ރައީސް ޑރ. މުހައްމަދު މުއިއްޒު ވިދާޅުވީ، Eagle Hills އާއެކު ހިންގޭ 20 ބިލިއަން އެމެރިކާ ޑޮލަރުގެ ވޯޓަރފްރަންޓް އަދި މަރީނާ މަޝްރޫޢު ނިމުމުން ދިވެހިރާއްޖޭގެ އިޤްތިޞާދު ފުޅާވެ، ޤައުމީ އާމްދަނީގެ ކުރިއެރުމަށް ބޮޑު އަސަރެއް އަންނާނެ ކަމަށެވެ. ރައީސް މިގޮތަށް ވިދާޅުވީ ޕީއެސްއެމް ގެ 'ނޭޝަން ޗެޓް' ޕްރޮގްރާމުގައި ވާހަކަފުޅު ދައްކަވަމުންނެވެ. ރައީސް ވިދާޅުވީ ސަރުކާރުން އިޤްތިސާދު ކުރިއެރުވުމަށް ތަފާތު އިންވެސްޓްމަންޓްތައް ގެންނަވާނެ ކަމަށެވެ.

އދ. ގެ ސެކިއުރިޓީ ކައުންސިލްގައި މިހާރު އޮންނަ ވީޓޯ ނިޒާމު އިސްލާޙުކޮށް، ކުޑަ ޖަޒީރާ ޤައުމުތަކާއި ތަރައްޤީވަމުން އަންނަ ޤައުމުތަކަށް ސަލާމަތީ މަޖިލުން ގޮޑިޔެއް ދިނުމަށް ދިވެހިރާއްޖެ އިން ގޮވާލައިފިއެވެ. ރާއްޖެއިން މިގޮތަށް ގޮވާލެއްވީ މިހާރު ހިނގަމުންދާ އދ. ގެ 81 ވަނަ އާއްމު މަޖިލީހުގެ ޖަލްސާގައެވެ. މިޖަލްސާގައި ދިވެހިރާއްޖެ ތަމްސީލު ކުރައްވާ ވާހާކަފުޅު ދެއްކެވީ ރާއްޖޭގެ ނާއިބު ރައީސް ޙުސަން މުޙައްމަދު ލަތީފެވެ.

ސަރުކާރުން ހިންގަމުންދާ ސޯލަރ ހައިބްރިޑް އެނަރޖީ މަޝްރޫޢުތަކުގެ ނަތީޖާއެއްގެ ގޮތުގައި، ދިވެހިރާއްޖޭގައި ރިނިއުއަބަލް އެނަރޖީ އުފެއްދޭ މިންވަރު 53 މެގަވޯޓުން 126 މެގަވޯޓަށް އިތުރުވެފައިވާ ކަމަށް އެންވަޔަރްމަންޓް މިނިސްޓަރ އަލީ ޝަރީފް ވިދާޅުވެއްޖެއެވެ.

އީރާނާ މެދު އެމެރިކާގެ ސިޔާސަތު ލުޔިކޮށް ނުލައި، މިހާރު އަޅައިފައިވާ ފިތުންތައް ދަމިހައްޓައި، އަދި ބެހެއްޓުމަށް ގަލްފް ޤައުމުތަކުގެ ވެރިން ޑޮނަލްޑް ޓްރަމްޕް ގެ އިދާރާގައި އެދެމުންދާ ކަމަށް ޚަބަރު ލިބެމުން އެބަދެއެވެ.

ސޫރިޔާގެ އަޙްމަދު އަލް ޝަރާ ވިދާޅުވެފައިވަނީ އިޒްރޭލުން ގޯލާން ހައިޓްސް އެނެކްސް ކޮށްގެން އުޅުނު ނަމަވެސް، އެ ސަރަހައްދަކީ އަދިވެސް ސޫރިޔާގެ ބިމެއް ކަމަށެވެ. އދ.ގެ 81 ވަނަ އާންމު ޖަލްސާގައި ވާހަކަފުޅު ދައްކަވަމުން، ރައީސް ވިދާޅުވީ ސޫރިޔާގެ ސިޔާދަތާއި ބެހޭ އިންޓަރނޭޝަނަލް ޤާނޫނު ހިމާޔަތްކުރުމަކީ ސޫރިޔާގެ އަސާސީ މަޤްޞަދު ކަމަށެވެ.

ދިވެހިރާއްޖޭގައި މަހަކު 60 ހާސް ރުފިޔާ ނުވަތަ އެއަށް ވުރެ ގިނަ އާމްދަނީ ލިބޭ 60 ހާސް އަށް ވުރެ ގިނަ ފަރުދުން، އިންކަމް ޓެކްސް ދެއްކުމަށް ރަޖިސްޓަރީވެފައި ވާކަން މޯލްޑިވްސް އިންލެންޑް ރެވެނިއު އޮތޯރިޓީ (MIRA) ގެ އަހަރީ ރިޕޯޓުން ދައްކައިފިއެވެ.

މޯލްޑިވްސް މޮނިޓަރީ އޮތޯރިޓީ (MMA) އިން ޤައުމީ ފެންވަރުގެ ދިރާސާތަކަށް ބާރުދިނުމަށް 5 މިލިއަން ރުފިޔާގެ ރިސާޗް ފަންޑެއް ހުޅުވާލައި، މި ފަންޑުން އެހީ ލިބުމަށް އެދުމުގެ ފުރުސަތު ހުޅުވާލައިފިއެވެ.

ދިވެހިރާއްޖެ އާއި ކްރޮއޭޝިޔާ ދެމެދުގެ ސިޔާސީ މަޝްވަރާތައް ކުރިއަށް ގެންދިއުމަށް ބައިނަލްއަޤްވާމީ ގުޅުންތަކުގައި އެއްބާރުލުން ދިނުމަށް އެމްއޯޔޫ އެއްގައި ސޮއިކޮށްފިއެވެ. މި އެއްބަސްވުމުގައި ސޮއިކުރެވީ އދ.ގެ 81 ވަނަ އާންމު ޖަލްސާގެ ނިއުޔޯކްގައި ބޭއްވި މަތީ ފެންވަރުގެ ބައްދަލުވުންތަކުގެ ހަވާސާގައެވެ.

އދ.ގެ 81 ވަނަ އާންމު ޖަލްސާގެ ހައި ލެވެލް ވީކްގެ ހަވާސާގައި، ދިވެހިރާއްޖެ އާއި ބެލަރޫސް ދެމެދު ވީޒާ ނުނަގާ ދަތުރުކުރުމަށް ފުރުސަތު ދޭ އެއްބަސްވުމެއް ސޮއިކުރެވިއްޖެއެވެ. މި އެއްބަސްވުމުގައި ދިވެހިރާއްޖޭގެ ފަރާތުން ޚާރިޖީ ވަޒީރު އިރުތިޝާމް އާދަމް، ސޮއިކުރެއްވިއިރު، ބެލަރޫސްގެ ފަރާތުން ސޮއިކުރެއްވީ ބެލަރޫސްގެ ޚާރިޖީވަޒީރު މެކްސިމް ރަޒެންކޯވް އެވެ.

ހުޅުމާލޭގައި ކުރަން ރާވާފައިވާ ތަރައްގީގެ މަޝްރޫއުތަކުގެ ތެރެއިން ހުޅުމާލެ ރުއްގަނޑު ސަރައްހައްދުގައި 10 ލޭންގެ ބޯލިން އެލީއަކާއި ގޭމީން އާކޭޑެއް ތަރައްގީކުރަން އެޗްޑީސީން ނިންމައިފި.

ކެނދިކުޅުދޫ ކައުންސިލުން ހާމަކޮށްފައިވާ ގޮތުގައި މި މަސައްކަތް ކޮށްދޭން ބޭނުންވާ ފަރާތްތަކުން އެކައުންސިލުން ޢާއްމުކޮށްފައިވާ ފޯމް މި ހިނގާ ސެޕްޓެމްބަރު 27 ވަނަ ދުވަގެ މެންދުރުކުރި 10 ޖެހުމުގެ ކުރިން ހުށަހެޅުމަށް ވަނީ އެދިފައެވެ. އަދު ބިޑްގައި ބެއިވެރި ވެވޭނީ ބިޑްގައި ރަސްޖިސްޓްރީ ކުރާ ފަރާތްތަކަށް އެކަނި ކަމަށް ކައުންސިލުން ވަނީ ހާމަކޮސްފައެވެ.

އެފްއޭއެމް އިން ހާމަކޮށްފައިވާ ގޮތުގައި މުބާރާތައި ބައިވެރި ވުމުމުގެ މުއްދަތު ހަމަވިއިރު ބައިވެރިވާ އިތުރު ފުރުޞަދު ދިނުމަށް ވަރަށް ގިނަ ރަށްރަށުން ވަނީ އެދިފައިވާ ކަމަށާއި، އެކަމާއި ގުޅިގެން މި ހިނގާ ސެޕްޓެމްބަރު މަހުގެ 27 ވަނަ ދުވަހުގެ ކުރިން، މުބާރާތުގައި ބައިވެރިވާން ބޭނުންވާ ފަރާތްތަކުން ހުށަހެޅުމަށް އެ އެސޯސިއޭޝަނުން ވަނީ އެދިފައެވެ.