News

އެމެރިކާގެ ޓެނެސީ ސްޓޭޓްގައި މަރުގެ އަދަބު ތަންފީޒުކުރުމުގެ ތެރޭގައި ދިމާވި ބޮޑު ނާކާމިޔާބީއަކަށްފަހު، ސަލާމަތްވި ކްރިސްޓާ ޕައިކްގެ ވަކީލުން، އެ ހާދިސާގައި ކަންތައް ހިނގައިދިޔަ ގޮތުގެ ހެކިތައް ރައްކާތެރިކުރުމުގެ އަމުރަކަށް އެދި ކޯޓަށް ހާޒިރުވާން ތައްޔާރުވެއްޖެއެވެ.

މަގުމަތީގައި ނުރައްކާތެރިކޮށް (އެކި ފަރާތްފަރާތަށް ކަސިޔާރުވަމުން) ދުއްވަމުންދިޔަ ވޭނެއް ހުއްޓުވައި ފާސްކުރުމުގެ ތެރޭގައި، އެމެރިކާގެ ބޮޑު މާލީ އޮޅުވާލުމެއްގެ މައްސަލައަކާ ގުޅުންހުރި 66,000 އަށްވުރެ ގިނަ ރިހި ފައިސާފޮތި ނޯވޭގެ ފުލުހުން ހޯދައިފިއެވެ.

ރާއްޖޭގެ ކުދި އަދި މެދުފަންތީގެ ލޯކަލް ޓޫރިޒަމް ދާއިރާ އިތުރަށް ފުޅާކޮށް ވަރުގަދަކުރުމުގެ ގޮތުން، އެސްއެމްއީ ޑިވެލޮޕްމަންޓް ފައިނޭންސިންގް ކޯޕަރޭޝަން (އެސްޑީއެފްސީ) ގެ "އެސްއެމްއީ ޑިޖިޓަލް" މެދުވެރިކޮށް ގެސްޓްހައުސްތަކަށް ޚާއްޞަ ފައިނޭންސިންގް ޕްރޮގްރާމެއް ފަށައިފިއެވެ.

މިއަހަރުގެ މިހާތަނަށް ގްރީން ޓެކްސްގެ ގޮތުގައި ދައުލަތަށް 97.3 މިލިއަން އެމެރިކާ ޑޮލަރު (ގާތްގަނޑަކަށް 1.5 ބިލިއަން ދިވެހި ރުފިޔާ) ލިބިއްޖެއެވެ. މިއީ ވޭތުވެދިޔަ އަހަރުގެ މި މުއްދަތުގައި ލިބުނު އާމްދަނީއާ އަޅާބަލާއިރު 0.7 އިންސައްތައިގެ ކުރިއެރުމެކެވެ.

އައްޑޫ ސިޓީގައި މަސްތުވާތަކެތީގެ ބޮޑު ނެޓްވޯކެއް ހިންގި ކަމުގެ ކުށް ސާބިތުވެ 25 އަހަރުގެ ޖަލު ހުކުމެއް ތަންފީޒުކުރަމުންދިޔަ އަބްދުﷲ އިބްރާހީމް (އަބުޗާ) ގާނޫނާ ހިލާފަށް ޕެރޯލްގެ ދަށުން ދޫކޮށްލި މައްސަލައިގައި، ޕެރޯލް ބޯޑުގައި ތިއްބެވި ހުރިހާ މެންބަރުން މަގާމުން ވަކިކޮށް، އަބުޗާ އަލުން އަނބުރާ ޖަލަށް ގެންގޮސްފިއެވެ.

ރާއްޖޭގެ ސަރުކާރުގެ އެކި އިދާރާތަކާއި، ދައުލަތުގެ ކުންފުނިތަކަށް އަމާޒުކޮށްގެން ދެމުންދާ ސައިބަރ ހަމަލާތައް އިތުރުވަމުންދާތީ، އެކަމަށް އިދާރާތަކުންނާއި މުވައްޒަފުން ހުޝިޔާރުވެ ސަމާލުވުމަށް މޯލްޑިވްސް ޕޮލިސް ސަރވިސްއިން އިލްތިމާސްކޮށްފިއެވެ.

މަކަރާއި ހީލަތުން ފައިސާ ހޯދާ އޮޅުވާލުންތަކުގައި (ސްކޭމް) ނިމުނު މަހު އެކަނިވެސް އާންމުންގެ އަތުން 1.9 މިލިއަން ރުފިޔާއަށްވުރެ ގިނަ ފައިސާ ގެއްލިގެން ރިޕޯޓުކޮށްފައިވާ ކަމަށް މޯލްޑިވްސް ޕޮލިސް ސަރވިސްގެ އެންޓި-ސްކޭމް ސެންޓަރުގެ ތަފާސްހިސާބުތަކުން ދައްކައިފިއެވެ.

އެމެރިކާގެ ނިއު ޖާސީގައި ގޭގެ ގޯތިތެރޭގައި ޕާކުކޮށްފައި އޮތް އިލެކްޓްރިކް "ޓެސްލާ" ކާރެއްގެ ބިއްލޫރިގަނޑަށް އުޑުމަތިން މަހެއް ވެއްޓި، ކާރަށް ބޮޑެތި ގެއްލުންތަކެއް ލިބުމުގެ ހާދިސާއެއް ހިނގައިފިއެވެ.

ބޮޑެތި ކުށްތައް ކޮށްގެން ހޯދާ މުދަލާއި، ނާޖާއިޒު ފައިދާތައް ދައުލަތަށް ނެގުމުގެ އިޖުރާއަތްތައް އަވަސްކޮށް، އޮޓޯމެޓިކުން އެފަދަ މުދާ ނެގޭނެ ނިޒާމެއް ގާއިމުކުރުމަށްޓަކައި "ކުށުގެ މުދާ ދައުލަތަށް ނެގުމުގެ ބިލު" ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައިފިއެވެ.

ހުޅުމާލެ ފޭސް ދޭއްގައި ހުންނަ އަމާން އުދަރެސް ޓަވަރަކުން މީހަކު ވެއްޓި މަރުވެއްޖެ އެވެ. މީޑިއާތަކަށް ފުލުހުން ފޮނުވި މެސެޖެއްގައި ބުނީ މީހަކު ވެއްޓިފައި ވަނީ އަމާން އުދަރެސް 8 ވަނަ ޓަވަރުން ކަމަށެވެ. އިތުރު ތަފުސީލެއް ހާމައެއް ނުކުރެ އެވެ.

އަފްޣާނިސްތާނުގެ ވެރިރަށް ކާބުލްގެ ބޫމީޔަތު ފެންފަށަލަ ހަލުވިކަމާއެކު ހުސްވަމުންދާތީ، ކުރިއަށް އޮތް 2030 ވަނަ އަހަރާ ހަމައަށްދާއިރު އެ ސިޓީއަކީ މުޅި ދުނިޔޭގައިވެސް ފެން މުޅިން ހުސްވާ ފުރަތަމަ ބޮޑު ވެރިރަށަށް ވެދާނެކަމުގެ އިންޒާރު ސައިންސްވެރިންނާއި ބައިނަލްއަގުވާމީ ޖަމްޢިއްޔާތަކުން ދީފިއެވެ.

އަފްޣާނިސްތާނުގެ ސަރުކާރުގެ މުވައްޒަފުން ދުވާލަކު ފަސް ވަގުތު މިސްކިތުގައި ޖަމާޢަތުގައި ނަމާދުކުރުމަށް އެ ގައުމުގެ ވެރިކަން ކުރާ ތާލިބާން ސަރުކާރުން އަމުރުކޮށްފިއެވެ.