Maldives

ފެނަކަ ކޯޕަރޭޝަންގެ ކުރީގެ ޕްރޮކިއުމަންޓް ހެޑް، މަރިޔަމް ދީނާގެ މައްޗަށް ދައުލަތުން އުފުލި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށް ސާބިތުވެ، އޭނާ އެއް އަހަރާއި ހަތް މަހާއި ހަ ދުވަހުގެ މުއްދަތަށް ޖަލަށް ލުމަށް ކްރިމިނަލް ކޯޓުން ހުކުމްކޮށްފިއެވެ.

ގާފު ދާލު ތިނަދޫގައި ހިނގާދިޔަ ނުރައްކާތެރި ގްރޫޕް ރޭޕާއި ޖިންސީ ގޯނާގެ މައްސަލައިގައި ހައްޔަރުކުރި މީހުންގެ ތެރޭގައި ވެސްޓް މެނޭޖްމަންޓް ކޯޕަރޭޝަން (ވެމްކޯ) ގެ މުވައްޒަފަކު ހިމެނޭތީ، އެކަމާ ގުޅިގެން އާންމުންގެ ކަންބޮޑުވުންތައް ބޮޑުވެފައި ވަނިކޮށް، އެ ކުންފުނިން އެކަމާ ގުޅޭގޮތުން ބަޔާނެއް ނެރެފިއެވެ.

ވޭތުވެދިޔަ ފަސް އަހަރުގެ ތެރޭގައި ދިވެހިރާއްޖޭގައި ގޭސް ލީކުވުމާ ގުޅޭ 440 އަށްވުރެ ގިނަ ހާދިސާ ރިޕޯޓުކޮށްފައިވާ ކަމަށާއި، މިފަދަ ނުރައްކާތެރި ހާދިސާތަކުގައި ފަސް މީހަކު މަރުވެ 40 މީހުންނަށް އެކި ވަރުގެ އަނިޔާތައް ލިބިފައިވާކަން ޑިފެންސް މިނިސްޓްރީގެ ތަފާސްހިސާބުތަކުން ހާމަވެއްޖެއެވެ.

ރަސްމާލޭގައި ބޮޑު މަޝްރޫއެއް ހިންގުމަށް ޔޫއޭއީގެ އީގަލް ހިލްސް ކުންފުންޏާ ހަވާލުކޮށްފައިވާ މައްސަލައިގައި، އިދިކޮޅު މައި ޕާޓީ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ކުރިއަށްދާނެ ސީދާ މިސްރާބަކާއި އަމަލުކުރާނެ ގޮތަކާ މެދު މަޝްވަރާކުރުމަށް އެ ޕާޓީގެ ގައުމީ މަޖިލީހުގެ ކުއްލި ބައްދަލުވުމެއް ބޭއްވުމަށް ނިންމައިފިއެވެ.

އަޒަރުބައިޖާނުގެ ބަކޫގައި މިހާރު ކުރިއަށްދާ "ފީފާ 15 އަހަރުން ދަށުގެ ވޯލްޑް ކަޕް އަދި ފެސްޓިވަލް 2026" ގެ ގްރޫޕް ސްޓޭޖުގެ މެޗުތައް ނިމުނުއިރު، ރާއްޖޭގެ 15 އަހަރުން ދަށުގެ ގައުމީ ފުޓްބޯޅަ ޓީމުން ތާރީޚީ ނަތީޖާއެއް ނެރެ މުބާރާތުގެ ފުރަތަމަ ޕޮއިންޓް ހޯދުމަށްފަހު ދެވަނަ ބުރުގެ 'ޓިއަރ E' އިން ޖާގަ ހޯދައިފިއެވެ.

މާލެ ސިޓީގެ މަގުތަކުގައި ވެހިކަލްތައް ތޮއްޖެހުމުގެ މައްސަލައަށް ދާއިމީ ހައްލެއް ހޯދުމަށާއި، މަގުމަތީގެ ރައްކާތެރިކަން މަތީ ދަރަޖައަކަށް ކަށަވަރުކުރުމަށްޓަކައި އެކުލަވާލަމުންދާ ޚާއްޞަ މާސްޓަރ ޕްލޭނަށް އާންމުންގެ ޚިޔާލާއި މަޝްވަރާ ހޯދުމުގެ މަސައްކަތް ސަރުކާރާއި ކަމާބެހޭ އިދާރާތަކުން ފަށައިފިއެވެ.

ބޭރު ފައިސާއާ ބެހޭ ގާނޫނަށް ގެނެވުނު އިސްލާހުގެ ދަށުން، ވިޔަފާރިތަކުން ބޭންކުތައް މެދުވެރިކޮށް މާރުކުރަންޖެހޭ ޑޮލަރުގެ ފުރަތަމަ އިންސައްތަ މާރުކުރުމުގެ ސުންގަޑި ކުރިއަށް އޮތް ބުދަ ދުވަހުގެ (28 އޮކްޓޫބަރު) ނިޔަލަށް ހަމަވާނެތީ، އެކަމަށް ސަމާލުވުމަށް މޯލްޑިވްސް މޮނިޓަރީ އޮތޯރިޓީ (އެމްއެމްއޭ) އިން ހަނދާންކޮށްދީފިއެވެ.

ޖިސްމާނީ ނުކުޅެދުންތެރިކަމެއް ނުވަތަ ނަފުސާނީ ދަތިތަކެއްގެ ސަބަބުން ސްކޫލަށް ހާޒިރުވެގެން އުނގެނުމަށް އުޒުރުވެރިވާ ދަރިވަރުންނަށް ގޭގައި ތިބެގެން ތައުލީމު ހާސިލުކުރެވޭނެ "ހޯމް-ސްކޫލިން" ނިޒާމެއް ތައާރަފްކުރުމަށްޓަކައި ތައުލީމުގެ ގާނޫނަށް އިސްލާހު ގެނައުމުގެ ބިލެއް ރައްޔިތުންގެ މަޖިލީހަށް މިއަދު ހުށަހަޅައިފިއެވެ.

ހަށިގަނޑުގައި ރައްކާކޮށްގެން (ދިރުވާލައިގެން) ރާއްޖެއަށް މަސްތުވާތަކެތި އެތެރެކޮށް، އެ ތަކެތި ޓްރެފިކްކުރާ ކަމަށް ތުހުމަތުކުރެވޭ މައްސަލައެއްގައި 62 އަހަރުގެ ފިރިހެނަކު ހައްޔަރުކޮށް، މައްސަލައިގެ ޝަރީއަތް ނިމެންދެން ބަންދުކުރުމަށް ކްރިމިނަލް ކޯޓުން އަމުރުކޮށްފިއެވެ. މި މައްސަލައާ ގުޅިގެން ފުލުހުން ހައްޔަރުކޮށްފައިވަނީ ވ. ފުލިދޫ، ހަޒާރުމާގެ، އަޙްމަދު ނަޞީރު (62އ) އެވެ.

ރައްޔިތުންގެ މަޖިލީހުގެ ރައީސާއި ވަޒީރުންގެ މުސާރަ ބޮޑުކުރުމަށް މަޖިލީހުގެ މާލިއްޔަތު ކޮމިޓީން ނިންމާފައިވާ ނިންމުމާ ދެކޮޅަށް، އިދިކޮޅު އެމްޑީޕީގެ މެންބަރަކު ރައްޔިތުންގެ މަޖިލީހަށް ހުށަހެޅުއްވި ކުއްލި މައްސަލަ މަޖިލީހުގެ ރިޔާސަތުން ބަލައިނުގަނެ އަނބުރާ ފޮނުވާލައިފިއެވެ.

އަޒަރުބައިޖާންގެ ވެރިރަށް ބާކޫގައި އޮކްޓޫބަރު 27 އިން 29 އަށް ބާއްވާ "7 ވަނަ ވޯލްޑް ފޯރަމް އޮން އިންޓަކަލްޗަރަލް ޑައިލޮގް" ގައި ބައިވެރިވެވަޑައިގަތުމަށް، ފަންނާއި ސަގާފަތާއި ތަރިކައާ ބެހޭ ވަޒީރު ހީނާ ވަލީދު ރޭގެ ވަގުތެއްގައި އަޒަރުބައިޖާނަށް ފުރާވަޑައިގެންފިއެވެ.

ލައިސަންސް ނެތި، ބާރު ސްޕީޑުގައި ސައިކަލު ދުއްވުމުގެ ސަބަބުން ކަފިހިހުރަހުން މަގު ހުރަސްކުރި ދެ މީހެއްގެ ގައިގައި ޖެހި، އޭގެ ތެރެއިން އެކަކު ނިޔާވެ އަނެކަކަށް ބޮޑެތި އަނިޔާތަކެއް ލިބުނު ހާދިސާއާ ގުޅިގެން ދައުވާލިބުނު މީހާގެ މައްޗަށް ފޮނަދޫ މެޖިސްޓްރޭޓް ކޯޓުން ޙުކުމްކޮށްފިއެވެ.