Maldives

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން ނޮވެމްބަރު 28 ގައި ބޭއްވުމަށް ހަމަޖެހިފައިވާއިރު، އޮންލައިންކޮށް ޝަކުވާ ހުށަހެޅުމުގެ ފުރުޞަތު އޮކްޓޫބަރު 24 ގެ މެންދުރު 12:00 އާ ހަމައަށް ވޯޓަރުންނަށް ވަނީ ހުޅުވާލައިފައެވެ.

126 ރަށަކުން ބައިވެރިވި ޒުވާނުން ޅ. މާފިލާފުށީގައި ތިން މަސް ދުވަހުގެ ތަމްރީނު ފުރިހަމަކުރާއިރު، ތަމްރީނު ނިންމައި އެކި ދާއިރާތަކުން ސެޓްފިކެޓްތައް ލިބިގެންދާނެއެވެ.

މި ކޯސް ފެށުމުގެ ރަސްމީ ރަސްމިއްޔާތު ބޭއްވީ ރޭގައެވެ. އަދި މި ރަސްމިއްޔާތުގެ ޝަރަފުވެރި މެހެމާނެއްގެ ގޮތުން ބައިވެރިވެވަޑައިގެންނެވީ ކޮލެޖް އޮފް ޑިފެންސް އެންޑް ސެކިއުރިޓީ ސްޓަޑީޒްގެ ކޮމާންޑިންގ އޮފިސަރެވެ.

މަޖިލީހުގެ އިދާރާއިން ކަށަވަރުކޮށްދީފައިވާ ގޮތުގައި ޖަލްސާ ފެށުން ހެނދުނު 11:00 އަށް ފަސްކޮށްފައިވާއިރު، މިއީ އެ އިމާރާތުން ކަރަންޓު ކެނޑުމުގެ ހާދިސާތަކުގެ ތެރެއިން އެންމެ ފަހުން ހިނގި ހާދިސާއެވެ.

ރިޔާދު ގެ ކިންގް ޚާލިދު އިންޓަނޭޝަނަލް އެއާޕޯޓަށް ހޫތީންގެ ޑްރޯން އާއި މިސައިލް ހަމަލާގައި 12 މީހުން މަރުވެ، 300 އަށް ވުރެ ގިނަ މީހުން ޒަޚަމްވެ، މޯލްޑިވްސް އިން ވަނީ އެކަން ކުށްވެރިކޮށްފަ އެވެ.

މިއަހަރުގެ މިހާތަނަށް ގްރީން ޓެކްސްގެ ގޮތުގައި ދައުލަތަށް 97.3 މިލިއަން އެމެރިކާ ޑޮލަރު (ގާތްގަނޑަކަށް 1.5 ބިލިއަން ދިވެހި ރުފިޔާ) ލިބިއްޖެއެވެ. މިއީ ވޭތުވެދިޔަ އަހަރުގެ މި މުއްދަތުގައި ލިބުނު އާމްދަނީއާ އަޅާބަލާއިރު 0.7 އިންސައްތައިގެ ކުރިއެރުމެކެވެ.

ދައުލަތުގެ ކޭޝްފްލޯ މެނޭޖްކުރުމަށާއި ބަޖެޓުގެ ޚަރަދުތައް ހަމަޖެއްސުމުގެ ގޮތުން، 941 މިލިއަނަށްވުރެ ގިނަ ދިވެހި ރުފިޔާގެ ޓްރެޜަރީ ބިލް (ޓީ-ބިލް) ވިއްކުމަށް މިނިސްޓްރީ އޮފް ފައިނޭންސް އެންޑް ޕަބްލިކް އެންޓަރޕްރައިޒަސް އިން ހުޅުވާލައިފިއެވެ.

އދ. ގެ ސެކިއުރިޓީ ކައުންސިލްގައި މިހާރު އޮންނަ ވީޓޯ ނިޒާމު އިސްލާޙުކޮށް، ކުޑަ ޖަޒީރާ ޤައުމުތަކާއި ތަރައްޤީވަމުން އަންނަ ޤައުމުތަކަށް ސަލާމަތީ މަޖިލުން ގޮޑިޔެއް ދިނުމަށް ދިވެހިރާއްޖެ އިން ގޮވާލައިފިއެވެ. ރާއްޖެއިން މިގޮތަށް ގޮވާލެއްވީ މިހާރު ހިނގަމުންދާ އދ. ގެ 81 ވަނަ އާއްމު މަޖިލީހުގެ ޖަލްސާގައެވެ. މިޖަލްސާގައި ދިވެހިރާއްޖެ ތަމްސީލު ކުރައްވާ ވާހާކަފުޅު ދެއްކެވީ ރާއްޖޭގެ ނާއިބު ރައީސް ޙުސަން މުޙައްމަދު ލަތީފެވެ.

މިއީ ސިޔާސީ ދުޝްމަނުންނެއް ނޫނެވެ. މިއީ އިދިކޮޅު ޕާޓީއެއް ނޫނެވެ. މިއީ ދިވެހިރާއްޖެއަށް ޙަސަދަވެރިވާ ބައެއްވެސް ނޫނެވެ. މިއީ އަޅުގަނޑުމެންގެ ކަސްޓަމަރެވެ. އަދި މިއީ އެ ކަސްޓަމަރު، އަޅުގަނޑުމެންގެ އަމިއްލަ ބައްދަލުވުމުގައި، އަޅުގަނޑުމެންގެ މޫނުމަތީގައި ބުނި އެއްޗެކެވެ.

މިނިސްޓްރީ އޮފް ޓޫރިޒަމް އެންޑް ސިވިލް އޭވިއޭވިއޭޝަން އިން އާއްމުކޮށްފައވާ ތަފާސް ހިސާބު ތަކަށް ބަލާއިރު 2026 ވަނަ އަހަރުގެ ސެޕްޓެމްބަރު މަހުގެ 15 ވަނަ ދުވަހުގެ ނިޔަލަށް ދިވެހިރާއްޖެއަށް ޒިޔާރަތްކުރި ފަތުރުވެރިންގެ ޢަދަދަކީ 1،521،927 ފަތުރުވެރިންނެވެ. އެއީ 2025 ވަނަ އަހަރު ސެޕްޓެމްބަރު މަހުގެ 15 ވަނަ ދުވަހުގެ ނިޔަލަށް ޒިޔަރަތްކުރި ފަތުރުވެރިންގެ ޢަދަދަށްވުރެ %3.7 ދަށް ޢަދަދެކެވެ. 2025 ވަނަ އަހަރު ޒިޔާރަތްކޮށްފައިވަނީ 1،579،649 ފަތުރު ވެރިންނެވެ.

ދިވެހިރާއްޖެއިން "އާދޭސް" ދެންނެވުމުން އޮންނަ އުޞޫލުން ބޭރުން ލޯނު ހަމަޖެއްސުމަށް ބޮޑުވަޒީރު އަންވަރު އިބްރާހިމް އަންގަވައިފާ ވާނެ ކަމަށެވެ. މެލޭޝިއާގެ ބޮޑުވަޒީރު އަންވަރު މިހެން ވިދާޅުވީ މެލޭޝިއާ ސަރުކާރުގެ އިސްވެރިންނާއި ދިވެހިސަރުކާރުގެ އިސްވެރިން މިއަދު ދިވެހިރާއްޖޭގައި ބައްދަލު ކުރައްވާ ވާހަކަފުޅު ދައްކަވަމުންނެވެ.

ޔޫރަޕުގެ ޓުއަރ އޮޕަރޭޓަރުން ތަމްސީލުކުރާ އެންމެ ބޮޑު ޖަމްޢިއްޔާއިން ދިވެހިރާއްޖޭގެ ސަފީރަށް ފޮނުވި މި ސިޓީ ކިޔާލުމުން، ސިޔާސީ ރުޅިވެރިކަމެއް ނުފެނެއެވެ. ޙަޤީޤަތުގައި މި ސިޓީ ލިޔެފައިވަނީ ވަރަށް އަދަބުވެރިކޮށެވެ. ދިވެހިރާއްޖޭގެ ޓެކްސް ސިޔާދަތަށް އިޙްތިރާމުކޮށެވެ. އެއިން ފެންނަނީ ސިޔާސީ ދުޝްމަނެއް ނޫނެވެ. ފެންނަނީ، އަޅުގަނޑުމެންގެ އެނދުތައް ވިއްކައިދޭ، އަޅުގަނޑުމެންގެ ޤައުމު ދުނިޔެއަށް އިޝްތިހާރުކޮށްދޭ، އަޅުގަނޑުމެންގެ ވިޔަފާރީގެ ބައިވެރިއެކެވެ. އަދި އެ ބައިވެރިޔާ ބުނަނީ ވަރަށް ސާފު އެއްޗެކެވެ: "ތިޔަ ކުރައްވާ ކަންތައް، ތިޔަ ކުރައްވާ ގޮތުން، އަޅުގަނޑުމެންނަށް ދިވެހިރާއްޖެ ވިއްކުން ދަތިވެއްޖެއެވެ."