މަޖިލީހުން ކަރަންޓު ކެނޑި، މުހިންމު ވޯޓުތަކެއް ނެގުން 2 ގަޑިއިރަށް ފަސްވެއްޖެ! ⚡
ރައްޔިތުންގެ މަޖިލީހުގެ އިމާރާތުން ކަރަންޓު ކެނޑުމާ ގުޅިގެން އަންގާރަ ދުވަހުގެ ޖަލްސާ 2 ގަޑިއިރަށް ފަސްކުރަން ޖެހުނުއިރު، ޖަލްސާ ފަށާ ގަޑި ވަނީ ހެނދުނު 09:00 އިން 11:00 އަށް ބަދަލުކޮށްފައެވެ.
މަޖިލީހުގެ އިދާރާއިން ބުނި ގޮތުގައި، މުޅި އިމާރާތުން ކުއްލިއަކަށް ކަރަންޓު ކެނޑުމުގެ ސަބަބުން ތާވަލާ އެއްގޮތަށް ޖަލްސާ ކުރިއަށް ނުގެންދެވުނެވެ.
ސަން އިން ރިޕޯޓުކޮށްފައިވާ ގޮތުގައި ފާއިތުވި މަސްތަކުގައި މަޖިލީހުގެ އިމާރާތުން އެކި ފަހަރު މަތިން ކަރަންޓު ކެނޑިފައިވާ އިރު، ޖަލްސާތައް ކުރިއަށްދަނިކޮށްވެސް ކަރަންޓު ކެނޑިފައިވެއެވެ.
އަންގާރަ ދުވަހުގެ ފަސްކުރެވުނު ޖަލްސާއަށް ތާވަލުކޮށްފައިވަނީ އެކި ކަންކަމަށް މެންބަރުންގެ މެދުގައި ވޯޓު ނެގުމުގެ އިތުރުން، ފުނަދޫ ދާއިރާގެ މެންބަރު މުހައްމަދު މަމްދޫހު ހުށަހެޅުއްވި ޖިނާއީ އިޖުރާއަތުގެ ގާނޫނަށް އިސްލާހު ގެނައުމުގެ ބިލުގެ ބަހުސެވެ.
