Ad #8Advertise hereSize: 728 × 90 pxSize: 800 × 200 px Call 768 2001 WhatsApp
News Featured

ޔަމަން ހަނގުރާމައިގެ މަސްރަޙު ހޫނުވުމާއެކު، ސައޫދީ ކޯލިޝަންގެ ކޮމާންޑަރު ބަދަލުކޮށްފި.

ޔަމަން ހަނގުރާމައިގެ މަސްރަޙު ހޫނުވުމާއެކު، ސައޫދީ ކޯލިޝަންގެ ކޮމާންޑަރު ބަދަލުކޮށްފި.
photo:Mihaaru
ތަފްޞީލް

ސައޫދީ ޕްރެސް އެޖެންސީން ހާމަކޮށްފައިވާ ގޮތުގައި، ސައޫދީ ރަސްގެފާނު ސަލްމާން ބިން އަބްދުލްއަޒީޒް އިއްޔެ ނެރުއްވި ޝާހީ އަމުރުފުޅެއްގައި ކޯލިޝަންގެ އާ ކޮމާންޑަރަކަށް ހަމަޖައްސަވާފައިވަނީ ސައޫދީ އަސްކަރިއްޔާގެ ޗީފް އޮފް ދަ ޖެނެރަލް ސްޓާފް، ޖެނެރަލް ފައްޔާޒް ބިން ހާމިދު އަލް ރުވައިލީއެވެ. އޭނާ މި މަސްއޫލިއްޔަތާ ހަވާލުވެވަޑައިގަންނަވާނީ، މިހާރުވެސް އަދާކުރައްވަމުން ގެންދަވާ ޗީފް އޮފް ސްޓާފްގެ މަޤާމާއެކުގައެވެ.


2024 ވަނަ އަހަރުގެ އޮގަސްޓް މަހު ކޯލިޝަންގެ ކޮމާންޑަރުކަމާ ހަވާލުވެވަޑައިގެންނެވި ލެފްޓިނެންޓް ޖެނެރަލް ފަހުދު އަލް ސަލްމާން މަޤާމުން ވަކިކުރެއްވުމަށްފަހު، ދެން އައްޔަންކުރައްވާފައިވަނީ ސައޫދީ ޑިފެންސް މިނިސްޓަރު ޕްރިންސް ހާލިދު ބިން ސަލްމާންގެ އަސްކަރީ ކަންކަމާ ބެހޭ މުޝީރުގެ މަޤާމަށެވެ.


ސައޫދީ އަސްކަރިއްޔާގެ އިސް ލީޑަޝިޕަށް މި މުހިންމު ބަދަލު ގެނެސްފައިމިވަނީ، ރަތް ކަނޑުގެ އައްސޭރީގައި އޮންނަ އިސްތިރާޖީ ގޮތުން ނުހަނު މުހިންމު ބާބުލް މަންދަބު ކަނޑުއޮޅި ސަރަޙައްދުން، ސައޫދީން މަދަދުދޭ ޔަމަންގެ ސަރުކާރު ސިފައިން ފަހަތަށް ޖެހެން މަޖުބޫރުވިތާ އެންމެ ދުވަހެއްގެ ތެރޭގައެވެ.


މިދިޔަ ޖުލައި މަހު ޔަމަންގެ ހަނގުރާމަ އަލުން ހޫނުވެގެން ދިޔަ ފަހުން، ހޫތީންގެ ހަމަލާތައް ވަނީ ވަރަށް ބޮޑަށް ވަރުގަދަކޮށްފައެވެ. އެގޮތުން ސެޕްޓެމްބަރު މަހު ބަނދަރުމަތީ ރަށެއް ކަމަށްވާ މޮޚާ ހޫތީންގެ ބާރުގެ ދަށަށް ގެނެސްފައިވާއިރު، ޔަމަންގެ ވަގުތީ ވެރިރަށް އަދަންއާ 60 ކިލޯމީޓަރު ކައިރިއަށް ހޫތީން ޖެހިލުމާ ގުޅިގެން، އަދަންގެ ދިފާޢީ ފިޔަވަޅުތައް ވަރުގަދަކުރުމަށް ކޯލިޝަން ސިފައިން ވަނީ ފަހަތަށް ޖެހިފައެވެ. މީގެ އިތުރުން، ސައޫދީ އަރަބިއްޔާގެ އެއާޕޯޓްތަކަށާއި ތެޔޮ ކާރުޚާނާތަކަށް އަމާޒުކޮށް ހޫތީ ހަނގުރާމަވެރިން ދަނީ ބެލިސްޓިކް މިސައިލް ހަމަލާތައް ވެސް ފޮނުވަމުންނެވެ.

Topics:
Share this article: Facebook Twitter WhatsApp
Ad #9Advertise hereSize: 728 × 90 pxSize: 800 × 200 px Call 768 2001 WhatsApp
Related Articles
ގުޅުންހުރި ޚަބަރުތައް
ReelsWatch all