Ad #8Advertise hereSize: 728 × 90 pxSize: 800 × 200 px Call 768 2001 WhatsApp
Technology Featured

އުރީދޫއިން ރާއްޖޭގައި ފުރަތަމަ ފަހަރަށް ގޫގުލް ޕިކްސެލް ފޯނުތަކަށް 5G އަދި VoLTE ދޭން ފަށައިފި

އުރީދޫއިން ރާއްޖޭގައި ފުރަތަމަ ފަހަރަށް ގޫގުލް ޕިކްސެލް ފޯނުތަކަށް 5G އަދި VoLTE ދޭން ފަށައިފި
Photo: Ooredoo
ތަފްޞީލް

ގޫގުލްއިން ނޮވެމްބަރު މަހު ނެރުނު އެންމެ ފަހުގެ ސޮފްޓްވެއާ އަޕްޑޭޓާއެކު، އުރީދޫ މޯލްޑިވްސްގެ ކަސްޓަމަރުންގެ ތެރެއިން ގޫގުލް ޕިކްސެލް ފޯނު ބޭނުންކުރާ ފަރާތްތަކަށް 5G ގެ ހަލުވި އިންޓަނެޓްގެ ޚިދުމަތް ބޭނުންކުރެވޭނެ ގޮތް ހަމަޖައްސައިފިއެވެ. އުރީދޫއިން ހާމަކުރި ގޮތުގައި މިއީ ރާއްޖޭގައި ގޫގުލް ޕިކްސެލް ފޯނުތަކަށް 5G ގެ ޚިދުމަތް ދޭން ފެށި ފުރަތަމަ އަދި މިވަގުތު ހަމައެކަނި ޓެލެކޮމް އޮޕަރޭޓަރެވެ.


މި އަޕްޑޭޓާއެކު 5G ގެ އިތުރުން، ވޮއިސް އޯވާ އެލްޓީއީ (VoLTE) ގެ ޚިދުމަތްވެސް ވަނީ ޕިކްސެލް ފޯނުތަކަށް ލިބޭނެ ގޮތް ހަދާފައެވެ. މީގެ ސަބަބުން އުރީދޫގެ 4G ނެޓްވޯކް މެދުވެރިކޮށް ކުރާ ފޯނު ކޯލުތަކުގެ އަޑު ކުރިއަށްވުރެ މާ ބޮޑަށް ސާފުވެގެންދާނެ ކަމަށް އެ ކުންފުނިން ބުނެއެވެ.

އުރީދޫގެ 5G އަދި VoLTE ގެ ޚިދުމަތް ސަޕޯޓްކުރާ ގޫގުލް ޕިކްސެލް މޮޑެލްތަކުގެ ތެރޭގައި ޕިކްސެލް 7، ޕިކްސެލް 8، ޕިކްސެލް 9، ޕިކްސެލް 10 އަދި ޕިކްސެލް 11 ސީރީޒްގެ ފޯނުތައް ހިމެނެއެވެ. މީގެ އިތުރުން ޕިކްސެލް އޭ-ސީރީޒް ގެ ބައެއް މޮޑެލްތަކާއި، ޕިކްސެލް ފޯލްޑް އަދި ޕިކްސެލް ޕްރޯ ފޯލްޑް މޮޑެލްތަކަށްވެސް މި އަޕްޑޭޓާއެކު މި ޚިދުމަތް ލިބިގެންދާނެއެވެ.


މި ކާމިޔާބީއާ ގުޅޭގޮތުން އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒު ވިދާޅުވީ، ގޫގުލް ޕިކްސެލް ފޯނުތަކަށް 5G ގެ ޚިދުމަތް ތައާރަފުކުރުމަކީ ކަސްޓަމަރުން ވަރަށް ގިނަ ދުވަސްތަކެއް ވަންދެން އެދެމުން އައި ކަމެއް ކަމަށާއި، ގޫގުލްއާ ގުޅިގެން ކުރި މަސައްކަތުން އެކަން ހަގީގަތަކަށް ހެދުމަކީ ލިބޭ ވަރަށް ބޮޑު އުފަލެއް ކަމަށެވެ. އަދި ކަސްޓަމަރުންގެ ޚިޔާލާއި އެދުންތަކަށް އަޑުއަހައި އެކަންކަން ފުރިހަމަކޮށްދިނުމަކީ އުރީދޫއިން އަބަދުވެސް އެންމެ ބޮޑު އިސްކަމެއް ދޭ ކަންތައް ކަމަށްވެސް ނިޔާޒު ފާހަގަކުރެއްވިއެވެ.

މި ޚިދުމަތް ހޯދުމަށްޓަކައި ޕިކްސެލް ފޯނު ބޭނުންކުރާ ކަސްޓަމަރުން ފޯނުގެ އެންމެ ފަހުގެ ސޮފްޓްވެއާ އަޕްޑޭޓް އިންސްޓޯލް ކުރުމަށްފަހު، ފޯނުގެ މޯބައިލް ނެޓްވޯކް ސެޓިންގްސްއިން 5G އެނޭބަލް ކޮށްލުމުން އުރީދޫގެ 5G ކަވަރޭޖް ލިބޭ ހުރިހާ ސަރަހައްދަކުން މި ޚިދުމަތް ބޭނުންކުރެވޭނެއެވެ.


އުރީދޫއިން ބުނި ގޮތުގައި މިއީ "ޑިޖިޓަލް މޯލްޑިވްސް" އެއް ބިނާކުރުމަށް އެ ކުންފުނިން ކުރަމުންދާ މަސައްކަތްތަކުގެ ދަށުން، އެންމެ ޒަމާނީ ޓެކްނޮލޮޖީތައް ރާއްޖެއަށް ތައާރަފުކޮށް، ކަސްޓަމަރުންނަށް އިތުރު ފަސޭހަތަކާއި ފުރިހަމަ ޑިޖިޓަލް ތަޖުރިބާއެއް ފޯރުކޮށްދިނުމަށް އެޅުނު އިތުރު މުހިންމު ފިޔަވަޅެކެވެ.


Topics:
Share this article: Facebook Twitter WhatsApp
Ad #9Advertise hereSize: 728 × 90 pxSize: 800 × 200 px Call 768 2001 WhatsApp
Related Articles
ގުޅުންހުރި ޚަބަރުތައް
ReelsWatch all