ސައުދީގެ ކިންގ ޚާލިދު އެއަރޕޯޓަށް ދިން ހަމަލާއެއްގައި ގިނަ ބަޔަކަށް އަނިޔާވެ، އެއަރޕޯޓް ވަގުތީގޮތުން ބަންދުކޮށްފި
10 ސެޕްޓެމްބަރ 2026 - ސައުދީ އަރަބިއްޔާގެ ރިޔާދުގައިވާ ކިންގ ޚާލިދު އިންޓަރނޭޝަނަލް އެއަރޕޯޓަށް ހޫތީން ދިން ހަމަލާއެއްގައި ގިނަ ބަޔަކަށް އަނިޔާވެ، އެއަރޕޯޓުގެ ހިންގުން ވަގުތީގޮތުން ހުއްޓާލިކަމަށް ސައުދީގެ ސިވިލް އޭވިއޭޝަން އޮތޯރިޓީން އަންގައިފިއެވެ.
ސިވިލް އޭވިއޭޝަން އޮތޯރިޓީން ނެރެފައިވާ ބަޔާނެއްގައި މި ހަމަލާއަކީ ހޫތީން ދިން ހަމަލާއެއްކަމަށާއި، ހަމަލާގެ ސަބަބުން އެތައް މީހަކަށް އަނިޔާވިކަމަށް ވަނީ ބުނެފައެވެ. އަނިޔާވި މީހުންގެ ސީދާ އަދަދު މިހާރު ކަށަވަރުކުރަމުންދާކަމަށްވެސް އެ ބަޔާނުގައި ވެއެވެ.
ހަމަލާއިން އެއަރޕޯޓަށް ލިބުނު ގެއްލުން ބަލައި، އެއަރޕޯޓުގެ އިމާރާތްތަކާއި ތަންތަނުގެ ސަލާމަތްކަން ޔަޤީންކުރެވެންދެން، އެއަރޕޯޓުގެ އޮޕަރޭޝަންތައް ވަގުތީގޮތުން ހުއްޓާލިކަމަށް އޮތޯރިޓީން އިތުރަށް ބުނެފައިވެއެވެ.
މީގެ ކުރިން، ބުރާސްފަތި ދުވަހު ޙޫޘީން ކިންގ ޚާލިދު އެއަރޕޯޓަށް ދިން ހަމަލާތަކުގައި، ޕައިލަޓަކާއެކު ތިން ސައުދީ ރައްޔިތަކު މަރުވިކަމަށް ރިޕޯޓްކޮށްފައިވެއެވެ.
