ސައިންސްވެރިން ބުނަނީ ޔުނިވާރސް (ކާއިނާތު) ފުޅާވަމުން ދާ ވަހަކަ! އަހަރުމެންގެ ސޯލާރ ސިސްޓަމް ފުޅާނުވޭތަ؟
ކާއިނާތު (Universe) ދަނީ ކޮންމެ ސިކުންތަކު ހުރިހާ ދިމާއަކަށް ފުޅާވަމުންނެވެ. ނަމަވެސް އެކަމުގެ އަސަރު އަޅުގަނޑުމެން ދިރިއުޅޭ އިރުގެ ނިޒާމަށާއި، މި ބިމަށާއި، އަދި ކައިރީގައިވާ ޕްލެނެޓްތަކަށް ކުރޭތޯ؟ ސޯލަރ ސިސްޓަމް ފުޅާވަނީ ކޮން ދިމާއަކަށްތޯއެވެ؟
ސައިންސްވެރިންގެ ހޯދުންތަކުން ދައްކާ ގޮތުގައި، މި ސުވާލުގެ ޖަވާބަކީ ގިނަ ބަޔަކު ހީކުރާ ގޮތާ މުޅިން ތަފާތު، އަޖައިބުކުރުވަނިވި ސައިންސީ ސިއްރެކެވެ.
1. ކާއިނާތު ފުޅާވިޔަސް، ސޯލަރ ސިސްޓަމް ފުޅާއެއް ނުވޭ!
ގިނަ ބަޔަކު ހީކުރަނީ ކާއިނާތު ފުޅާވާއިރު ދުނިޔެއާއި އިރާ ދެމެދުގައިވާ ދުރުމިންވެސް އިތުރުވަމުންދާ ކަމަށެވެ. ނަމަވެސް، ސޯލަރ ސިސްޓަމް ކާއިނާތުގެ ފުޅާވުމާއެކު ބޮޑެއް ނުވެއެވެ.
އޭގެ ސަބަބަކީ ގްރެވިޓީ (Gravity) ގެ ބާރެވެ.
- ކާއިނާތު ފުޅާވަނީ ވަރަށް ދުރުގައިވާ، ގްރެވިޓީގެ ގުޅުން ކެނޑިފައިވާ ގެލެކްސީތަކުގެ ދެމެދުގައެވެ.
- ނަމަވެސް، އަޅުގަނޑުމެންގެ ސޯލަރ ސިސްޓަމުގެ އިރުގެ ގްރެވިޓީގެ ބާރުން މުޅި ނިޒާމު އެކީގައި ހިފަހައްޓައި، އެތެރޭގެ ޖާގަ ފުޅާވިޔަނުދީ ހިފަހައްޓައެވެ.
މިސާލަކަށް: ފުއްޕާހަމެއްގެ މަތީގައި މާކަރަކުން ދެ ތިކި ޖެހުމަށްފަހު ފުއްޕާހަން ފުމެ ބޮޑުކުރާއިރު އެ ދެ ތިކި ދުރުވެއެވެ. ނަމަވެސް ފުއްޕާހަން މަތީގައި ކުޑަ ލަކުނޑި ކޮޅެއް ތަތްކޮށްފައި ފުއްޕާހަން ފުއްޕިޔަސް، ލަކުނޑި ކޮޅު ބޮޑެއް ނުވެއެވެ. އިރުން ސޯލާރ ސިސްޓަމް އެކަތި ގަނޑެއްގެ ގޮތުގައި ބޮޑުވިޔަ ނުދީ ހިފަހައްޓައެވެ.
2. ކާއިނާތު ފުޅާވަނީ ކޮން ދިމާއަކަށް؟
ކާއިނާތު ފުޅާވަނީ ވަކި ޚާއްޞަ މަރުކަޒަކުން (Center) ބޭރަކަށް ނޫނެވެ.
- ސްޕޭސް (Space) އަމިއްލައަށް ދެމެނީއެވެ: ކާއިނާތުގެ ކޮންމެ ޕޮއިންޓަކުން ބެލިނަމަވެސް، ދުރުގައިވާ އެހެން ގެލެކްސީތައް ދަނީ އެއްޗެއް އަނެކައްޗާ ދުރަށް ދުވަމުންނެވެ.
- ކާއިނާތުގެ "ބޭރު ފަރާތް": ކާއިނާތު ފުޅާވަނީ ވަކި އެހެން އެއްޗެއްގެ ތެރެއަކަށް ނޫނެވެ. އޭގެ ބަދަލުގައި، ޖާގަ (Space) އަމިއްލައަށް އިތުރުވަމުން ދަނީއެވެ. ކާއިނަތުގެ ބޭރުފަރާތެއް އޮންނަކަމެއް އެނގިފައި ނުވެއެވެ.
3. ސޯލާރ ސިސްޓަމް އަމިއްލަ "ފުޅާވުން": އިރުގެ ނިމުން!
ކާއިނާތުގެ ފުޅާވުމުން ސޯލަރ ސިސްޓަމަށް އަސަރުނުކުރި ނަމަވެސް، މުސްތަޤްބަލުގައި ސޯލަރ ސިސްޓަމް އެތެރޭގައި ތާރީޚީ ބޮޑު ފުޅާވުމެއް ހިނގާނެއެވެ:
- އިރު ބޮޑުވުން (Red Giant Phase): މީގެ 5 ބިލިއަން އަހަރު ފަހުން، އިރުގެ ހައިޑްރޮޖަން ފިއުލް ހުސްވުމުން، އިރުގެ ބޭރު ފަށަލަ އިންތިހާއަށް ފުޅާވެގެންދާނެއެވެ.
- ޕްލެނެޓްތައް ދިރުވާލުން: އިރު ފުޅާވަމުން ގޮސް މާރކަރީ، ވީނަސް، އަދި އަޅުގަނޑުމެންގެ ބިން (Earth) ވެސް އިރުގެ އެތެރެއަށް ދިރުވާލާނެއެވެ.
- ޕްލެނެޓް ތަކުގެ އޯބިޓް އެކީ ބަދަލުވުން: އިރުގެ ބަރުދަން ލުއިވަމުންދާ ވަރަކަށް، ދުރުގައިވާ ޕްލެނެޓް (ޖުޕިޓަރ އަދި ސެޓަރން) އިރާ ދުރަށް ޖެހި، އޯބިޓް ފުޅާވެގެންދާނެއެވެ.
އެހެންކަމުން، ކާއިނާތު ފުޅާވަމުން ދިޔަޔަސް އަޅުގަނޑުމެންގެ ސޯލަރ ސިސްޓަމް ކާއިނާތުގެ ފުޅާވުމާއެކު ބޮޑެއް ނުވެއެވެ. އަޅުގަނޑުމެން ހިފަހައްޓައިދެނީ އިރުގެ ވަރުގަދަ ގްރަވިޓީގެ ބާރުންނެވެ. ސޯލާރ ސިސްޓަމް ފުޅާވާނީ ކާއިނާތުގެ ސަބަބަކުން ނޫނެވެ؛ އޭގެ ބަދަލުގައި އިރުގެ ޙަޔާތުގެ އެންމެ ފަހު މަރުޙަލާގައެވެ!
