Ad #82027 Registration Open!Robotics · Python · AI · Design & 3D · Digital marketing
  • Robotics for kids & teens
  • Python programming
  • Artificial intelligence
  • Design, 3D & multimedia
☎ 777 4147Register now →
News Featured

ރައީސް މުއިއްޒުގެ ނަންފުޅު ފާހަގަނުކުރައްވައި، ޕީއެންސީގެ އަސާސްތައް އިސްކޮށް ވައުދުތައް ފުއްދުން އަވަސްކުރުމަށް ޣައްސާން އިލްތިމާސްކުރައްވައިފި

ރައީސް މުއިއްޒުގެ ނަންފުޅު ފާހަގަނުކުރައްވައި، ޕީއެންސީގެ އަސާސްތައް އިސްކޮށް ވައުދުތައް ފުއްދުން އަވަސްކުރުމަށް ޣައްސާން އިލްތިމާސްކުރައްވައިފި
Photo: Adhadhu
ތަފްޞީލް

ޕީއެންސީގެ ސަރުކާރަށް ތިން އަހަރު ފުރުމުގެ މުނާސަބަތުގައި، ރައީސް ޑރ. މުހައްމަދު މުއިއްޒުގެ ނަންފުޅު ފާހަގަނުކުރައްވައި، ރައްޔިތުންނަށް ވީ ވައުދުތައް ފުއްދުމުގެ މަސައްކަތް ހަލުވިކުރުމަށާއި ޕާޓީގެ އަސާސްތައް އިސްކުރުމަށް ޕީއެންސީގެ ލީޑަރޝިޕަށް ކުރީގެ ޑިފެންސް މިނިސްޓަރު ޣައްސާން މައުމޫން އިލްތިމާސް ކުރައްވައިފި އެވެ.


ސަރުކާރަށް ތިން އަހަރު ފުރުމާ ގުޅިގެން ޕީއެންސީގެ އިސް ބޭފުޅުންނާއި ވަޒީރުން ރައީސް މުއިއްޒުގެ ލީޑަރޝިޕަށް ތައުރީފު ކުރައްވައި މެސެޖުތައް ފޮނުއްވަމުން ގެންދަވާ ދަނޑިވަޅެއްގައި، ޣައްސާން އިއްޔެ ކުރެއްވި ޕޯސްޓެއްގައި ތަހުނިޔާ ވިދާޅުވެފައި ވަނީ ވަކި ބޭފުޅެއްގެ ނަން ފާހަގަނުކުރައްވައި "ޕީއެންސީގެ ސަރުކާރަށް" ނިސްބަތްކުރައްވަ އެވެ.



ޣައްސާންގެ އެ ޕޯސްޓުގައި ވިދާޅުވެފައި ވަނީ 2023 ވަނަ އަހަރުގެ ރިޔާސީ އިންތިހާބުގެ ކެމްޕޭނުގައި ރައްޔިތުންނާ ގާތުން މަސައްކަތް ކުރެއްވި އެކެއްގެ ހައިސިއްޔަތުން، އެ ދުވަހު ރައްޔިތުން "މި ފިކުރަށް" ކުރެއްވި އިތުބާރަށާއި ދެއްވި ވޯޓަށް މިއަދު ވެސް ޝުކުރު ދަންނަވާ ކަމަށެވެ.

ސަރުކާރުގެ ވައުދުތައް ފުއްދުމާ މެދު އާންމުންގެ މެދުގައި ސުވާލުތަކާއި ފާޑުކިޔުންތައް އަމާޒުވެފައިވާ މި ދަނޑިވަޅުގައި، ޣައްސާން ވަނީ ކެމްޕޭން ދުވަސްވަރު ވީ ވައުދުތައް ހަނދާންކޮށްދެއްވައި އެ މަސައްކަތްތައް އަވަސްކުރުމަށް ބާރުއަޅުއްވާފަ އެވެ. އެގޮތުން، މި ވަގުތަކީ އެ ދުވަސް ހަނދާނަށް ގެންނަންވީ ވަގުތު ކަމަށާއި، ރާއްޖޭގެ އުތުރުން ދެކުނަށް، އިރުން ހުޅަނގަށް އެންމެހައި ރައްޔިތުންނަށް ވީ ވައުދުތައް ރަނުންރަނަށް ފުއްދުމުގެ މަސައްކަތް ހަލުވި ކުރަންވީ ވަގުތު ކަމަށް ޣައްސާން ލިޔުއްވާފައިވެ އެވެ.


މީގެ އިތުރުން، ޕާޓީގެ މިސްރާބާއި އުސޫލުތަކާ މެދު ކަންބޮޑުވުން އޮތްކަން ދޭހަވާ ފަދަ މޭރުމަކުން ޣައްސާން ވަނީ ޕާޓީގެ ލީޑަރޝިޕަށް އިލްތިމާސެއް ވެސް ކުރައްވާފަ އެވެ. އޭނާ ވިދާޅުވީ ޕާޓީގެ ގައުމީވަންތަ އަސާސްތަކާއި ވައުދު ފުއްދުމުގެ ފަލްސަފާ އަދިވެސް އިސްކުރައްވައި، ދިވެހި ރައްޔިތުންގެ މެދުގައި މި ފިކުރަށް އޮންނަ އިތުބާރު ދަމަހައްޓަވައިދެއްވުމަށް ޕާޓީގެ ލީޑަރޝިޕަށް އިލްތިމާސް ކުރައްވާ ކަމަށެވެ.


ލޯކަލް ކައުންސިލްތަކުގެ އިންތިހާބަށް ފަހު ރައީސް މުއިއްޒުގެ އެންގެވުމަށް ގިނަ އަދަދެއްގެ މިނިސްޓަރުން އެއް ފަހަރާ އިސްތިއުފާ ދެއްވި ދަނޑިވަޅުގައި ޣައްސާން ވެސް ވަނީ ޑިފެންސް މިނިސްޓަރުކަމުން އިސްތިއުފާ ދެއްވާފަ އެވެ. އެއަށް ފަހު ސަރުކާރު އަދި ޕީއެންސީގެ ހަރަކާތްތަކުން ޣައްސާން ފެނިގެން ގޮސްފައެއް ނުވެ އެވެ.

Topics:
Share this article: Facebook Twitter WhatsApp
Ad #9Advertise hereSize: 728 × 90 pxSize: 800 × 200 px Call 768 2001 WhatsApp
Related Articles
ގުޅުންހުރި ޚަބަރުތައް
ReelsWatch all