އޫރިދޫ ފިންޓެކް ރާއްޖޭގެ ކަންޓްރީ ހެޑް ގޮތުގައި ނޫޢުމާން ހަމަޖައްސައިފި
އޫރިދޫ މޯލްޑިވްސްގެ ފިންޓެކް އެންޑް ޕާޓްނަރޝިޕް މަޤާމު އަދާކުމުންދިޔަ އަޙްމަދު ނޫމާން އޫރިދޫ ފިންޓެކް ރާއްޖޭގެ ކަންޓްރީ ހެޑްގެ ގޮތުގައި ހަމަޖައްސައިފިއެވެ.
ނޫޢުމާން އަކީ ޓެލެކޮމް އާއި ޑިޖިޓަލް ޕްރޮޑަކްޓްތަކުގެ ދާއިރާގައި ގިނަ ދުވަސްތަކެއްގެ ޚިދުމަތް ކޮށްފައިވާ އަދި އޫރިދޫ ގައި 16 އަހަރަށްވުރެ ދިގު މުއްދަތުގައި ޚިދުމަތް ކޮށްފައިވާ ތަޖުރިބާ ލިބިފައިވާ ފަރާތެކެވެ. އަދި އޫރިދޫއިން ރާއްޖެއަށް ތަޢާރަފްކުރި ގިނަ ޚިދުމަތްތަކެއްގެ ހުރިހާ ސްޓޭޖެއްގައިވެސް އަމަލީގޮތުން އޫރިދޫގެ ޓީމާއެކު މަސައްކަތްކޮށް، ޚިދުމަތް ފުޅާ ކުރުމަށާއި ދެވޭ ޚިދުމަތުގެ ފެންވަރު ރަނގަޅު ކުރުމުގައި މުހިއްމު ދައުރެއް އަދާކޮށްފައިވާ ފަރާތެކެވެ.
އުރީދޫ ފިންޓެކް ދަށުން ދިވެހިރާއްޖޭގައި އެމްފައިސާ ޚިދުމަތް ދެމުންދާއިރު ޤަޠަރުގައި އުރީދޫ މަނީ އާއި އޮމާންގައި ވޮލެޓީ ބައި އުރީދޫގެ ޚިދުމަތް މިހާރުދަނީ ފޯރުކޮށްދެމުންނެވެ.
