އިންސާނީ ވަގުވިޔަފާރިއާއި އޮންލައިން މަކަރާއި ހީލަތާ ދެކޮޅަށް އިންޓަޕޯލްގެ ބޮޑު އޮޕަރޭޝަން 'ސްޓޯމް މޭކާސް 4' ފަށައިފި!
ދެކުނު އޭޝިއާއާއި ދެކުނު އަރުމަތީ އޭޝިއާގެ ޤައުމުތަކުގައި ފުޅާވަމުންދާ އިންސާނީ ވަގުފާރިއާއި، އޮންލައިން މަކަރާއި ހީލަތް (ސްކޭމް) ހިންގާ ބައިނަލްއަޤްވާމީ ޖިނާއީ ނެޓްވޯކްތައް ހުއްޓުވުމަށްޓަކައި އިންޓަޕޯލްއިން އިސްނަގައިގެން ހިންގާ "އޮޕަރޭޝަން ސްޓޯމް މޭކާސް 4" މި އޮކްޓޫބަރު މަހު ރަސްމީކޮށް ކުރިއަށްގެންދަން ފަށައިފިއެވެ!
މި އޮޕަރޭޝަނަކީ ސަރަޙައްދީ ޤައުމުތަކުގެ ތަންފީޒީ އިދާރާތަކާއި، ބޯޑަރު ބަލަހައްޓާ އޭޖެންސީތައް ގުޅިގެން ހިންގާ ޚާއްޞަ ހަރަކާތެކެވެ. މީގެ މައިގަނޑު އަމާޒަކީ ވަޒީފާގެ ދޮގު ފުރުޞަތުތައް ދައްކައިގެން މީހުން އެހެން ޤައުމުތަކަށް ގެންގޮސް، ސައިބަރ ކުށްތައް ކުރުމަށް މަޖުބޫރުކުރުވާ ނެޓްވޯކްތައް ހޯދައި، އެފަދަ ކަންކަމުގައި އަނިޔާލިބޭ ފަރާތްތައް ސަލާމަތްކުރުމެވެ.
އިންސާނީ ވަގުފާރީގެ ޝިކާރައަކަށްވާ މީހުން ބޭނުންކޮށްގެން ކްރިޕްޓޯކަރަންސީ މަކަރާއި ހީލަތް، ފޭކް އިންވެސްޓްމަންޓް ސްކޭމް، އަދި އޮންލައިން އެކި ގޭމްތައް މެދުވެރިކޮށް ފައިސާ އަތުލާ ނެޓްވޯކްތައް ހުއްޓުވުން. އިންޓަޕޯލްގެ 24/7 މައުލޫމާތު ބަދަލުކުރާ ނިޒާމު މެދުވެރިކޮށް، ސަރަޙައްދީ ޤައުމުތަކުގެ އެއާޕޯޓްތަކާއި ބޯޑަރުތަކުގައި ފާސްކުރުންތައް ވަނީ އިތުރުކޮށްފައެވެ. މީގެ ކުރިން ހިންގި "ސްޓޯމް މޭކާސް" އޮޕަރޭޝަންތަކުގައި އެތައް ސަތޭކަ މީހުން ހައްޔަރުކޮށް، އޮޅުވާލައިގެން ބަންދުކޮށްފައި ތިބި އެތައް ސަތޭކަ އިނގިރޭސި/އޭޝިއާ ރައްޔިތުން ވަނީ ސަލާމަތްކޮށްފައެވެ. މި އޮޕަރޭޝަނުގެ ސަބަބުން ސަރަޙައްދީ ގައުމުތަކުގެ މެދުގައި ކުށްވެރިން ހޯދުމަށް ކުރެވޭ މަސައްކަތް އިތުރަށް ހަރުދަނާވެ، އޮންލައިންކޮށް ހިންގާ ބޮޑެތި މަކަރާއި ހީލަތުގެ މައްސަލަތަކަށް ބޮޑު ހައްލެއް ލިބިގެންދާނެ ކަމަށް އިންޓަޕޯލްއިން ބުނެއެވެ.
