ވީޑިއޯއަކަށް އަރާފައިވާ ހައިރާންކުރުވަނިވި މި ހާދިސާގައި، މޯބައިލް ފޯނެއް ފޭރެން އުޅުނު ކަމުގެ ތުހުމަތުގައި ޒުވާނެއްގެ އަތުގައި ފަސިންޖަރުން ހިފަހައްޓައި، ރޭލު ދުއްވައިގަތުމާއެކު އޭނާ ޕްލެޓްފޯމްމަތީގައި ދަމާފައި ގެންގޮސްފައިވެއެވެ....

ޔަމަނުން ޙޫޘީންގެ ނުރައްކާތައް ބޮޑުވަމުންދިއުމާއި، އީރާނާ ގުޅުންހުރި ނުތަވަސްކަން އިތުރުވަމުންދިއުމާއި، ސަރަޙައްދީ އިއްތިޙާދުތަކާ މެދު އުފެދެމުންދާ ޔަޤީންކަން ކުޑަވުމުގެ ސަބަބުން، މެދުއިރުމަތި ކުރިމަތިލާންޖެހިފައިވަނީ ނުރައްކާތެރި އަދި ތާރީޚީ މުހިންމު ދަނޑިވަޅަކަށެވެ. މިއީ ސަޢޫދީ ޢަރަބިއްޔާގެ ސަލާމަތުގެ މުސްތަޤުބަލާ މެދު ސީރިއަސް ސުވާލުތަކެއް އުފައްދާ ކަމެކެވެ. ސޯޝަލް މީޑިއާގައި އެކި ކަހަލަ ވާހަކަތައް ފެތުރެމުންދާއިރު، ބައިނަލްއަޤްވާމީ މުޖުތަމަޢަށް މި ހަނގުރާމައިގެ ފުރިހަމަ މަންޒަރު ލިބެމުންދާތޯއާމެދު ކަންބޮޑުވުންތައް ދަނީ ...

ޔުނައިޓެޑް އެރަބް އެމިރޭޓްސްގެ ޑުބާއީ އިން ފުރައިގެން އިޒްރޭލުގެ ތެލް އަވީވަށް ދަތުރު ކުރި ފްލައިޑުބާއީގެ މަތިންދާބޯޓު ވައްޓާލަން އުޅުނު މައްސަލައިގެ ތަހުގީގަށް ކަމަށް ބުނެ ހައްޔަރުކުރި ދެ ދިވެހީން އަސާސީ ހައްގުތަކުން މަހުރޫމްކޮށްފައި ތިބޭތާ 12 ދުވަސް ފާއިތުވެއްޖެ އެވެ.

މާލެއާއި ހުޅުމާލޭގެ ކަނޑައެޅޭ ޚާއްސަ ސަރަހައްދުތަކެއްގައި އެއްގަމު ދަތުރުފަތުރުގެ ގާނޫނު ހަރުދަނާކަމާއެކު ތަންފީޒުކުރުމަށްޓަކައި ދިވެހި ފުލުހުންގެ ޚިދުމަތުން ކުރިއަށްގެންދާ ޚާއްސަ ހަރަކާތުގެ ދަށުން، ޓްރެފިކް ގަވާއިދުތަކާ ހިލާފުވާ މީހުންނަށް ޑިޖިޓަލްކޮށް އެސްއެމްއެސް (SMS) އަދި އީމެއިލް މެދުވެރިކޮށް އެކަން އެންގުމުގެ އާ ނިޒާމެއް ފެށުމަށް ނިންމައިފިއެވެ.

ބައިނަލްއަގުވާމީ މުޖުތަމައުގެ މެދުވެރިވުމާއެކު ގައްޒާގައި ހަމަލާބަދަލުކުރުން ހުއްޓާލުމަށް ވެފައިވާ އެއްބަސްވުމާ އިޒްރޭލުން ތަކުރާރުކޮށް ހިލާފުވަމުންދާ ދަނޑިވަޅެއްގައި، ދިން އާ ހަމަލާތަކެއްގައި ފަލަސްތީނުގެ އިތުރު ހަތަރު މީހަކު ޝަހީދުވެ ގިނަ ބަޔަކު ޒަހަމްވެއްޖެއެވެ.

ދިވެހިރާއްޖޭގެ ޚާރިޖީ ސިޔާސަތަކީ ހާމަކަން ބޮޑު، މިނިވަން އަދި މިތުރުކަމަށް ބިނާކޮށްގެން ކުރިއަށް ގެންދާ ނިޒާމެއް ކަމަށް ވެރިން ވަނީ ވިދާޅުވެފައެވެ. އެއީ ދުނިޔޭގެ ބޮޑެތި ޤައުމުތަކާއި އަދި ކުދި ޤައުމުތަކާއި އެއްވެސް ތަފާތެއް ނުކޮށް، ޤައުމީ މަސްލަހަތުތަކަށް އިސްކަންދީ، ހުރިހާ ފަރާތްތަކާއެކު ގުޅުން ބާއްވާ އުޞޫލެއް ކަމަށް ބެލެވެއެވެ.

ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)ގެ މެނޭޖިން ޑިރެކްޓަރކަމުގެ މަގާމުންނާއި އެ ކުންފުނީގެ ޑިރެކްޓަރުންގެ ބޯޑުން އިބްރާހިމް ނަޒީމް ވަކިކުރައްވައި، އެ ކުންފުނީގެ އެކްޓިން މެނޭޖިން ޑިރެކްޓަރުގެ މަގާމަށް އެމްޓީސީސީގެ މެނޭޖިން ޑިރެކްޓަރު އަޙުމަދު ސަޢުދީ އިއްޔެ އައްޔަނުކުރައްވައިފިއެވެ.

އިޒްރޭލުގެ ޖަލުތަކުގައި ބަންދުކޮށްފައި ތިބި ފަލަސްތީނުގެ އަސީރުންގެ ގަޔަށް ކައިރިން ރަބަރު ބުލެޓު ޖަހައި، ހަށިގަނޑުގެ ނާޒުކު ގުނަވަންތަކަށް ބޮޑެތި ގެއްލުންތަކެއް ދެމުންދާކަން އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ހާމަކޮށްފިއެވެ. އިޒްރޭލުގެ ނޫހެއް ކަމަށްވާ "ހާރެޓްޒް" އާއި ބޭސްވެރިންގެ ޖަމާއަތްތަކުން ނެރުނު ރިޕޯޓްތަކެއްގައިވާ ގޮތުން، އެކި ޖަލުތަކުގައި މިފަދަ 21 ހާދިސާއެއް ހިނގާފައިވާކަން ވަނީ ކަށަވަރު ކުރެވިފައެވެ.