ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި އަބްދުﷲ ޝާހިދު ހައްޔަރުކޮށް، އޭނާގެ ރަސްމީ ގެ ފުލުހުން ބަލައިފާސްކޮށްފި
ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި، ކުރީގެ ޚާރިޖީ ވަޒީރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ވަނީ ކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެންގޮސްފައެވެ. ފުލުހުންގެ ޚިދުމަތުން ކަށަވަރުކޮށްދީފައިވާ ގޮތުގައި 18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި އޭނާ ހައްޔަރުކޮށްފައިވަނީ މި މަހުގެ 2 ވަނަ ދުވަހުގެ ރޭގެ ވަގުތެއްގައެވެ.
މި މައްސަލައިގެ ތަޙުޤީޤު ކުރިއަށްގެންދިއުމުގެ ގޮތުން، މާލޭގައި ހުންނަ ޝާހިދުގެ ރަސްމީ ގެ ކަމަށްވާ ހ. ރަބީއީ މަންޒިލަށް ފުލުހުން ވަދެ ބަލައި ފާސްކުރުމުގެ އޮޕަރޭޝަނެއް ވަނީ ކުރިއަށްގންގޮސްފައެވެ. އަދި ކޯޓުން ވަނީ އޭނާގެ ބަންދަށް 30 ދުވަހުގެ މުއްދަތެއް ދީފައެވެ.
މި ތުހުމަތުތަކާ ގުޅިގެން އަބްދުﷲ ޝާހިދު ވަނީ އެކަންކަން މުޅިން ދޮގުކުރައްވާފައެވެ. ހައްޔަރުކުރުމުގެ ކުޑަވަގުތުކޮޅެއް ކުރިން އިޖުތިމާއީ މީޑިއާގައި ހިއްސާކުރެއްވި މެސެޖެއްގައި އޭނާ ވިދާޅުވެފައިވަނީ، މިއީ އޭނާގެ އަބުރު ކެނޑުމުގެ ބޭނުމުގައި ސިޔާސީގޮތުން ފަތުރަމުންދާ އަސާސެއް ނެތް ވާހަކަތަކެއް ކަމަށާއި، އެފަދަ ހަގީގަތެއް ނެތް ވާހަކަތައް ނުފެތުރުމަށް އެދިވަޑައިގަންނަވާ ކަމަށެވެ.
އަބްދުﷲ ޝާހިދަކީ ރާއްޖޭގެ ޚާރިޖީ ދާއިރާއާއި، ރައްޔިތުންގެ މަޖިލީހުގެ ރިއާސަތުގެ އިތުރުން އދ. ގެ އާންމު މަޖިލީހުގެ ރައީސްކަން ވެސް ކުރައްވާފައިވާ، ބައިނަލްއަޤްވާމީ ގޮތުން ފާހަގަކޮށްލެވޭ ސިޔާސީ ބޭފުޅެކެވެ. މިއީ ކުރިއަށްއޮތް 2028 ވަނަ އަހަރުގެ ރިޔާސީ އިންތިޚާބުގައި އެމްޑީޕީގެ ޓިކެޓް ހޯއްދެވުމަށް އޭނާ ކެމްޕޭން ކުރައްވަމުން ދިޔަ ދަނޑިވަޅެއްގައި ހިނގާދިޔަ ހާދިސާއެކެވެ.
