ފްރާންސްގެ މިސްކިތެއްގެ ތެރޭގައި އަޅުކަމުގައި ހުރި މުސްލިމު ޒުވާނަކު ނުޙައްޤުން ޤަތުލުކޮށްލި!
ބައިނަލްއަޤްވާމީ މީޑިއާތަކުން ރިޕޯޓުކޮށްފައިވާ ގޮތުގައި،2022 ވަނަ އަހަރު އަބޫބަކުރު ސިއްސޭއަކީ އެ އަވަށުގެ މިސްކިތް ސާފުކޮށް ބެލެހެއްޓުމުގައި އަމިއްލައަށް އެހީތެރިވަމުންދިޔަ އަޚްލާޤު ރަނގަޅު ޒުވާނެކެވެ. ހާދިސާ ހިނގި ދުވަހު އޭނާ މިސްކިތުގައި އެކަނި އަޅުކަން ކުރަން ހުއްޓައި، ޙަމަލާދިން ޤާތިލު ވަނީ މިސްކިތަށް ވަދެ، ނަމާދުކުރާނެ ގޮތް ދަސްކުރަން ބޭނުންވާކަމަށް ބުނެ އޭނާއަށް އޮޅުވާލާފައެވެ.
މާލީއަށް ނިސްބަތްވާ އަބޫބަކުރު ސިއްސޭ (އާންމުކޮށް ކިޔާ ނަމުންނަމަ "ބޫބާ") އަކީ 2018 ވަނަ އަހަރު ފްރާންސަށް ބަދަލުވެ، އެ މިސްކިތް ސާފުކުރުމާއި ބެލެހެއްޓުމުގައި ދަރުމައަށް މަސައްކަތްކުރަމުންދިޔަ، އެންމެންގެ އިޙްތިރާމާއި ލޯބި ހޯދާފައިވާ ޒުވާނެކެވެ. ތަޙުޤީޤުތަކުން ހާމަވިގޮތުގައި، ޙަމަލާދިން 20 އަހަރުގެ ފްރާންސް މީހާ ވަނީ އަބޫބަކުރު ސަޖިދައިގައި އޮއްވައި 40 އަށްވުރެ ގިނަ ފަހަރު ވަޅިން ޙަމަލާދީ، އެ ނުރައްކާތެރި ޢަމަލު ފޯނުން ރެކޯޑުކުރުމަށްފަހު ފިލައިގެން އިޓަލީއަށް ގޮސްފައެވެ. މި ހާދިސާއާ ގުޅިގެން ފްރާންސްގެ ޕާލަމެންޓުގައި އަބޫބަކުރުގެ ހަނދާނުގައި ސުކޫތެއް ގެނެސްފައިވާއިރު، މުސްލިމު ޖަމާޢަތްތަކުންނާއި އޭނާގެ އާއިލާއިން ވަނީ މިއީ އިސްލާމޮފޯބިއާ އަދި ނަސްލީ ތަޢައްޞުބުން ފުރިގެންވާ ނިރުބަވެރި ޙަމަލާއެއްގެ ގޮތުގައި ފުރިހަމައަށް އިންސާފު ހޯދައިދިނުމަށް އެދިފައެވެ.
އެހެންނަމަވެސް، އަބޫބަކުރު ނަމާދުގެ ސަޖިދައިގައި އޮއްވައި، އެ ނުބައި ނިޔަތުގައި އައި މީހާ ވަނީ އޭނާއަށް ވަކިވަކިން ގިނަ ޙަމަލާތަކެއްދީ އަނިޔާވެރިކޮށް ކަނޑިން/ވަޅިން ޙަމަލާދީ މަރާލާފައެވެ. އަދި ޙަމަލާދިން މީހާ ވަނީ އެ މަންޒަރުތައް އޭނާގެ ފޯނުން ރެކޯޑުވެސް ކޮށްފައެވެ.
މި ހާދިސާއާ ގުޅިގެން ފްރާންސްގެ ފުލުހުން ވަނީ ޙަމަލާދިން މީހާ ހައްޔަރުކޮށްފައެވެ. ފްރާންސްގެ ރައީސް އެމެނުއެލް މެކްރޮން ހިމެނިވަޑައިގަންނަވާހެން އެޤައުމުގެ އިސްވެރިންނާއި، އިންސާނީ ޙައްޤުތަކަށް މަސައްކަތްކުރާ ޖަމާޢަތްތަކުން ވަނީ މި އަނިޔާވެރި ޢަމަލު ވަރަށް ބޮޑަށް ކުށްވެރިކޮށް، މުސްލިމުންނާ ދެކޮޅަށް ހިންގާ މިފަދަ ޢަމަލުތަކާ ދެކޮޅަށް އަޑުއުފާފައެވެ.
