ޓްރެވެންޑްރަމަށް ގެއްލުނު އަލީ އިބްރާހީމް 24 ގަޑިއިރުފަހުން ފެނިއްޖެ.

ބޭސް ފަރުވާއަށް ޓްރިވެންޑްރަމަށް ގޮސް އުޅެނިކޮށް ގެއްލުނު، ރ.މީދޫ އަލީ އިބްރާހިމް (އައްޔަބެ) މިއަދު ފެނިއްޖެއެވެ. އޭނާ ގެއްލުނީ، އިއްޔެ ފަތިހު 05:30 ގައެވެ.

އޭގެފަހުން މިއަދު ހެނދުނު އޭނާގެ ދަރިއަކު ފޭސްބުކްގައި ކުރި ޕޯސްޓެއްގައި ވަނީ، އެ މީހާ ހެޔޮ ހާލުގައި ހުއްޓާ ފެނިފައިވާ ކަމަށެވެ.

އޭނާ ފެނުނީ މިއަދު ހެނދުނު  07:00 ހާއިރު ކަމަށް އާއިލާއިން މައުލޫމާތުދެއެވެ. އަލިބެ ފެނުނީ ގެއްލިގެން ހޯދާތާ 24 ގަޑިއިރަށް ވުރެ ގިނަވީ ފަހުންނެވެ.

އެ މީހާ ހޯދުމަށް އެކި ގޮތްގޮތުން އެހީވި އެންމެންނަށް އާއިލާއިން ވަނީ، ޝުކުރު އަދާކޮށްފައެވެ.