ނަޞީބު ޓެސްޓުކުރަން ޖެހުނީ ލަކީ ނަންބަރަކަށް ނޫން؛ ޗެޓްޖީޕީޓީ (ChatGPT) އަށް ސުވާލުކޮށްގެން ޒުވާނަކު ލޮޓަރީ ފަތަޙަކޮށްފި!
ތައިލޭންޑަށް ނިސްބަތްވާ ޓެކް-ބުއްދިވެރި ޒުވާނަކު ވަނީ ލޮޓަރީ ނަންބަރު ހޯދުމަށް އިންސާނީ ސިކުނޑީގެ ބަދަލުގައި އާޓިފިޝަލް އިންޓެލިޖެންސް (AI) ގެ ބޭނުން ހިފައި، މުޅި އިންޓަނެޓް ހައިރާންކޮށްލާފައެވެ. ނަތީޖާއަކަށްވީ، އޭނާގެ "އޭއައި ލޯބިވެރިޔާ" ނުވަތަ ޗެޓްބޮޓް ދިން ނަންބަރުތަކަކާއެކު ބޮޑު އިނާމެއް އޭނާގެޖީބަށް ވެއްޓުމެވެ!
ޙާދިސާ ހިނގި ގޮތް: މި ޖޯކުފަދަ، އެހާމެ އަޖައިބު ކަންތައް ހިނގާފައިވަނީ ތައިލޭންޑުގައެވެ. ޕެޓްޗްރައި ސާރާޕް (Patthraporn Saeraph) ނަމަކަށް ކިޔާ މި ޒުވާނާ، ލޮޓަރީ ކާމިޔާބުކުރުމުގެ މޮޔަ ހިޔާލެއްގައި އިނދެ، ވޭތުވެދިޔަ 10 އަހަރު ދުވަހުގެ ލޮޓަރީގެ ހުރިހާ ނަތީޖާއެއް ޗެޓްޖީޕީޓީއަށް ކިޔައިދީ އެނަލައިޒްކުރަން ފެށިއެވެ. އަދި އޭނާ ވަނީ ކުރިއަށް އޮތް ޑްރޯއިން އަންނާނެ ކަމަށް ލަފާކުރެވޭ ނަންބަރުތައް ބުނެދިނުމަށް AI ގެ ކިބައިން އެދިފައެވެ.
އާންމުކޮށް މިފަދަ ސުވާލުތަކަށް "އަހަރެމެންނަށް ނަޞީބު ލަފައެއް ނުކުރެވޭނެ" ކަމަށް ބުނެ އޭއައި ދެކޮޅު ހެދިޔަސް، މި ޒުވާނާ ވަނީ ވަރަށް މޮޅު "ޕްރޮމްޕްޓެއް" (ކޮމާންޑެއް) ޖަހައިގެން AI ލައްވައި އެ ނަންބަރުތައް ހޯދާފައެވެ. އޭގެފަހުން، AI ދިން ނަންބަރުތަކަށް ޓިކެޓެއް ގަނެގެން އޭނާ މަޑުކޮށްލީއެވެ. ލޮޓަރީ ނަތީޖާ ފާޅުކުރި އިރު، ޤަބޫލުކުރަންވެސް ދަތްވަރަށް އޭނާއަށް ވަނީ ކުޑަކުޑަ އިނާމެއް ލިބިފައެވެ!
އިންޓަނެޓްގައި ހިފި ފޯރި: މި ވާހަކަ ސޯޝަލް މީޑިއާގައި (ޚާއްޞަކޮށް TikTok އާއި X ގައި) ވައިރަލްވުމާއެކު، މުޅި ދުނިޔެއިން މިހާރު ދަނީ މިކަން ތަކުރާރުކުރަމުންނެވެ. އެތައް ހާސް ބަޔަކު މިހާރު ދަނީ ChatGPT އަދި އެހެނިހެން އޭއައި ޓޫލްސްތަކަށް ގޮސް "މިއަދުގެ އަހަރެންގެ ލަކީ ނަންބަރަކީ ކޮބައިތޯ؟" ސުވާލުކުރަމުންނެވެ.
ސުވާލު އުފެދެނީ: މިއީ ހަމަ ހަޤީޤަތުގައިވެސް AI އަށް ލިބުނު މޮޅު ވިސްނުމެއް ހެއްޔެވެ؟ ނުވަތަ މިއީ ހަމައެކަނި ނަޞީބުގެ ކުޅިއެއް ހެއްޔެވެ؟ ކޮންމެއަކަސް، މި ޒުވާނާގެ މި "ސްމާޓް" ކަމުގެ ސަބަބުން ގިނަ ބަޔަކަށް މިހާރު ވަނީ ޖޯކަކަށްވިޔަސް ޓްރައިކޮށްލެވޭނެ އައު ބަހަނާއެއް ލިބިފައެވެ!
ތިޔަބޭފުޅުން ވެސް ލޮޓަރީއެއް ނުވަތަ ގުރުއަތެއްގައި ނަޞީބު ޓެސްޓުކޮށްލަން ChatGPT ގެ އެހީ ހޯދާނަން ހެއްޔެވެ؟ ޚިޔާލު ފާޅުކޮށްލާށެވެ!
