އެކްސިޑެންޓްވެ ފަރުވާ ދެމުންދިޔަ މުއްދަރިސް އަފީފު ނިޔާވެއްޖެ
ހުޅުމާލެ ފިޔަވަހި ދޭއްގައި މިދިޔަ އޮގަސްޓް މަހު 31 ވަނަ ދުވަހު ކާރަކާއި ސައިކަލެއް ޖެހި ހިނގި ނުރައްކާތެރި އެކްސްޑެންޓްގައި ސީރިއަސް އަނިޔާތަކެއް ލިބުނު ދިވެހި މުދައްރިސް (މުޙައްމަދު އަފީފް، މާޖެހިގެ، ޅ. ކުރެންދޫ) ޓްރީޓޮޕް ހޮސްޕިޓަކުގައި ވެންޓިލޭޓަރުގައިފަރުވާ ދެމުން ދަނިކޮށް 2026 ސެޕްޓެމްބަރު 15 ވަނަ ދުވަހު ނިޔާވެއްޖެއެވެ.
އެކްސިޑެންޓްގައި ނިޔާވި އުމުރުން 62 އަހަރުގެ މުޙައްމަދު އަފީފަށް ފުރަތަމަ ފަރުވާދިނީ ހުޅުމާލޭ ހޮސްޕިޓަލުންނެވެ. އެއަށްފަހު ސިކުނޑިއަށް ލޭއެޅި ހާލު އިތުރަށް ސީރިއަސްވުމުން ޓްރީޓޮޕް ހޮސްޕިޓަލަށް ބަދަލުކޮށް، ސިކުނޑީގެ އޮޕަރޭޝަނެއް ކޮށްފއިވާކަމަށް އާއިލާއިން ވަނީ ބުނެފައެވެ.
މި އެކްސިޑެންޓްގައި ނިޔާވެފައިވާ މުޙައްމަދު އަފީފުގެ އިތުރުން ޚާއްޞަ އެހީއަށް ބޭނުންވާ އޭނާގެ 24 އަހަރުގެ ދަރިފުޅަށްވެސް ވަނީ އަނިޔާތަކެއް
ތައުލީމީ ދާއިރާގައި ޚިދުމަތްކޮށްފައިވާ މުޙައްމަދު އަފީފް ވަނީ ދިވެހި ބަސް ދަރިވަރުނަށް އުގަންނާ ދިނުމުގައި ދިގު މުއްތެއްގައި ޚިދުމަތް ކޮށްދެއްވާފައެވެ. މިގޮތުން ސަރުކާރުން ހިންގެވި ބައެއް ސުކޫލްތަކާއި އަމިއްލަ ފަރާތްތަތަކުން ހިންގެވި ބައެއް ސްކޫލްތަކުގައި ވަނީ ކިޔަވައި ދެއްވާފައެވެ.
