ދާންދޫ އިން ދިރިއުޅުމަށް 30 ގޯތި ދޫކުރަނީ
ގއ. ދާންދޫން ދިރިއުޅުމަށްޓަކައި ބަންޑާރަ ގޯތި ދޫކުރުމަށް 07 ޖަނަވަރީ 2020ވަނަ ދުވަހު ކުރެވުނު މި ކައުންސިލުގެ ނަންބަރު: (IUL)410-C/410/2020/3 އިޢުލާނު ބާޠިލުކޮށް، ދާންދޫގެ ލޭންޑްޔޫސް ޕްލޭންގައި ކަނޑައަޅާފައިވާ ގޯތިތަކުގެ ތެރެއިން، ދިރިއުޅުމަށް ގޯއްޗަށް އެދުމުގެ ފުރުޞަތު ޢާންމުކޮށް ހުޅުވާލަމެވެ.
ދާންދޫ ކައުންސިލުން އާއްމު ކޮށްފައިވާ ގޮތުގައި އެރަށުން ދޫކުރަނީ 1600 އަކަފޫޓްގެ 30 ގޯއްޗެވެ. ދާންދޫއިން ދިރިއުޅުމަށް ބަންޑާރަ ގޯތި ދޫކުރުމުގެ އެންމެ ފަހުގެ އުޞޫލުގައިވާގޮތުން ދާންދޫއިން ބިމެއް ނުވަތަ ބިމުގެ ބައެއް (600 އަކަފޫޓަށްވުރެ ބޮޑުނުވާ) ލިބިފައިނުވާ 18 އަހަރު ފުރިފައިވާ ކޮންމެ ދިވެހިރައްޔިތަކަށް އެދެވޭނެއެވެ.
ގޯތި ބޭނުންވާ ފަރާތްތަކުން، ގޯއްޗަށް އެދޭ ފޯމް ފުރިހަމަ ކުރެއްވުމަށްފަހު 15 އޮކްޓޯބަރ 2026ވާ ބުރާސްފަތި ދުވަހު 13:00ގެ ކުރިން ދާންދޫ ކައުންސިލްގެ އިދާރާއަށް ހުށަހެޅުމަށް ވަނީ އިލްތިމާސް ކޮށްފައެވެ.
ދާންދޫ އިން ދިރިއުޅުމަށް ދޫކުރާ ބަންޑާރަ 30 ގޯއްޗަށް އެދުމަށް ހުށަހަޅާ ފޯމާއި އުޞޫލު މިލިންކްން ބަލައިލެވޭނެ.
