ފެނަކަ އާއި އާރުޑީސީ، ސްޓެލްކޯ އަދި އެމްޓީސީސީގެ ދަށަށް ބަދަލުކުރުމަކީ ކަރުދާހުގައި ރަނގަޅު ޚިޔާލަކަށް ވިޔަސް، އަމަލީ ގޮތުން މިއީ އިންތިހާ ބޮޑެތި ގޮންޖެހުންތަކެއް ހުރި ކަމެކެވެ. މުވައްޒަފުންގެ ބޮޑު އަދަދާއި، ބޮޑެތި ދަރަނިތަކުގެ ސަބަބުން ސްޓެލްކޯ އާއި އެމްޓީސީސީގެ ހަމަޖެހުން ގެއްލިދާނެއެވެ. ޚާއްޞަކޮށް އެމްޓީސީސީގެ އާންމު ހިއްސާދާރުންގެ ހައްގުތައް ހިމާޔަތްކުރުމަށްޓަކައި، މި ނިންމުންތައް ތަންފީޒުކުރުމުގެ ކުރިން ވަރަށް ފުންކޮށް ދިރާސާކޮށް، މާލީ ގޮތުން ރައްކާތެރި ފިޔަވަޅުތަކެއް އަޅަންޖެހެއެވެ. ނޫންނަމަ، ރަނގަޅު ކުރަން އުޅުނު ކަމަކުން މުޅި ނިޒާމު އިނދަޖެހިގެން ހިނގައިދާނެއެވެ.

3 މިނިސްޓްރީ ހުރި ޢިމާރާތްތައް (މިނިސްޓްރީ އޮފް ހައުސިންގ، ލޭންޑް އެންޑް އާބަން ޑިވެލޮޕްމަންޓް އާއި މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އަދި މިނިސްޓްރީ އޮފް ކްލައިމެޓް ޗޭންޖް، އެންވަޔަރަމެން އެންޑް އެނަރޖީ) އާއި އެންވަޔަރަމެންޓަލް ޕްރޮޓެކްޝަން އެޖެންސީ (އީޕީއޭ) އަދި މާލޭ ސިޓީކައުންސިލް އިދާރާގެ ބައެއް މަސައްކަތް ހިންގަމުން އައި ތަންތަން އަނދައި ހުލިވެގެން ދިޔަ ހާދިސާއާއި ގުޅިގެން އެތަން ރޯކޮށްލީ ކާކުކަން ފުލުހުންނަށް އިނގޭނެ ކަމަށާއި ފުލުހުންގެ އަތުގައި އެ މައުލޫމާތު އެބަހުރި ކަމަށެވެ. އަދި އެއީ ރައީސް މުޢިއްޒު އާއި ކިހާ ގާތް މީހެއްކަންވެސް އިނގޭ ކަމަށާއި ފިޔަވަޅު އަޅަން ބޭނުން ނުވަނީ ކަމަށް ރައީސް ޔާމީން ވިދާޅުވިއެވެ.

ސިއްޙީ ޚިދުމަތްތައް ތަރައްޤީ ކުރުމަށް އިންވެސްޓް ކުރަމުންދަނީ އޭޑީކޭ ހޮސްޕިޓަލުގެ ޒިންމާއެއްގެ ގޮތުގައި ދެކިގެން ކަމަށާއި، ދިވެހިން ޚާއްޞަ ފަރުވާ ހޯދުމަށް ތަކުރާރުކޮށް އެހެން ޤައުމުތަކަށް ދާން ނުޖެހޭގޮތަށް، ޒަމާނީ ފަހުގެ ފަރުވާ ރާއްޖެއިން ލިބޭނޭގޮތް ހެދުމަށް އަބަދުވެސް އިސްކަމެއްދީ އެމަސައްކަތް ކުރަމުންދާނެ ކަމަށް ވިދާޅުވިއެވެ.

ސްޕަރބްރޭންޑްސް އިފްތިތާޙް ކުރުމުގެ ރަސްމިއްޔާތުގައި ވާހަކަފުޅު ދައްކަވަމުން އަލީ ހުސެން ދީދީ ވިދާޅުވީ ސްޕަރބޮރޭންޑްސްގެ ސަބަބުން، މަޝްހޫރު މޮޅު ބްރޭންޑްތައް ދެނެގަނެވުމުގެ އިތުރުން، ތަކެއްޗާއި ޚިދުމަތުގެ ފެންވަރު ހިފެހެއްޓުން މުހިންމުވެ، ފެންވަރު ހިފެހެއްޓުމަށް އީޖާދީހައްލުތައް ނެރުމަށް އާދަވެ، އިތުބާރަކީ މުއާމަލާތުގެ މުގުލަކަށް ވެގެންދާނެ ކަމަށެވެ.

ކުރީގެ ރައީސް ޔާމީނު ދައްކަވާ ވާހަކަތަކަށް ވަރަށް ހޫނު ރައްދު ދެއްވަމުން ޢަބްދުއްރަހީމް ވިދާޅުވީ ޑރ. މުއިއްޒު އާއި ފަލާހާއި ޢަބްދުއްރަހީމްގެ ވެރިކަން އަދި ނުނިމޭ ކަމަށާއި ނިމުނީ ރައީސް ޔާމީނުގެ ވެރިކަން ކަމަށެވެ. ރައީސް ޔާމީނަށް ނިސްބަތްވާ ގޮތަށް ވިދާޅުވީ "ނިމުނީ އެބޭފުޅާގެ ވެރިކަން. ވެރިކަން ނިމުނީ ކިބުރުވެރި ކަމުން. ވެރިކަން ނިމުނީ ނުލަފާކަމުން، ވެރިކަން ނިމުނީ ބަސްނޭހީމާ. ވެރިކަން ނިމުނީ އަދުލު އިންޞާފު ޤާއިމް ނުކުރީމާ. ވެރިކަން ނިމުނީ އަނިޔާވެރިވީމާ. ވެރިކަން ނިމުނީ ޚިޔާނާތެރި ވީމާ. ވެރިކަން ނިމުނީ ދިވެހިރައްޔިތުންގެ ބައިތުލް މާލު ދިރުވާލީމާ". ޔާމީނު ވެރިކަން ނިމެއް ދިމާވި ކަމަށް ބުނާ ލިސްޓެއްގެ ގޮތުގައި ޢަބްދުއްރަހީމް އަމުނާ ލެއްވިއެވެ.

އިމިގްރޭޝަނުން ފުލުހުންނާއި އަދި ހޯމް މިނިސްޓްރީ ގުޅިގެން ހިންގި މިޙަރަކާތުގައި މާލޭގެ ބައެއް ސަރަޙައްދު ތަކުގައި އުޅޭ ބިދޭސީން ވަނީ ބަލާފާސް ކޮށްފައެވެ. މީގެ އިތުރުން މިދިޔަ ހަފްތާގެ ބުރާސްފަތި ދުވަހުގައިވެސް އިމިގްރޭޝަނުން ހިންގި ޙަރަކާތެއްގައި ހުޅުމާލޭގެ ރަށު މާރުކޭޓް މަސައްކަތްކުރާ 55 ބިދޭސީއެއް ބަލާފާސްކޮށް ޤާވާޢިދާ ޚިލާފަށް މަސައްކަތް ކުރަމުންދިޔަ 20 ބިދޭސީއަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.

އެމްއެންޔޫގެ ފޮތް މައުރަޒުގެ މައިގަނޑު ބޭނުމަކީ ފޮތް ލިޔާ ފަރާތްތަކާއި ވިއްކާ ފަރާތްތައް އަދި ފޮތް ގަންނަ ފަރާތަކުން އެއްތަނަކުން ބައްދަލުވެ، ދިވެހި ލިޔުންތެރިންގެ ހުނަރު ދައްކާލުމާއި ފޮތް ޝާއިއުކުރަން ބޭނުންވާ ފަރާތްތަކަށް އޮތް ފުރުޞަތުތައް ފަހިކޮށްދިނުމާއި އަދި ތަފާތު ގިނަ ފޮތްތަކެއް އެއްތަނަކުން އާއްމުންނަށް ގެނެސްދިނުން ކަމަށް އެމްއެންޔޫއިން މައުލޫމާތު ދެއްވައެވެ.

ފުލުހުން ހާމަކުރެއްވި ގޮތުގައި މި މައްސަލަ ފުލުހުންނަށް ހުށަހަޅާފައިވަނީ އިއްޔެގެ ވަގުތެއްގައި ކަމަށާއި މި މައްސަލަ ފުލުހުންގެ އިދާރާއިން ތަޙްޤީޤް ކުރަމުން ދާ ކަމަށެވެ.

ފުލުހުން ހާމަކޮށްފައިވާ މައުލޫމާތު ތަކުން ފެންނަ ގޮތުގައި މިދިޔަ ހަފްތާގައި މަސްތުވާ ތަކެއްޗާއި ދެކޮޅަށް ހިންގި އޮޕަރޭޝަން ތަކުގައި ގއ. މާމެންދޫން 17.7 ކިލޯގެ ބަރުދަނަށްވުރެ ގިނަ މަސްތުވާތަކެތި އަދި މާލެއިން 1.7 ކިލޯއަށްވުރެ ގިނަ މަސްތުވާތަކެތި ހޯދާފައެވެ.

އާމިރު ސަލީމް ރާއްޖެޓީވީން ގެނެސްދެއްވާ ޕްރޮގްރާމްގައި ސަރުކާރުގެ ބައެއް އިދާރާތަކަށާއި ކުންފުނި ތަކުގެ ނަމްބަރު ތަކަށް ގުޅުއްވައި، ތާޒާ މަޢުލޫމާތު ވަރަށް ގިނައިން ގެނެސްދެއްވާ ފަރާތެކެވެ.

ފުލުހުން އާއްމުން ބައްދަލުކޮށް، ގުޅުން ބަދަހި ކުރުމުގެ ޙަރަކާތުގެ ތެރެއިން އޭޑިކޭ ހޮސްޕިޓަލާއި އައިޖީއެމް ހޮސްޕިޓަލުގައި އެޑްމިޓް ކޮށްފައިވާ ބަލި މީހުންނަށް ޒިޔާރަތްކުރުމާއި ސްކޫލްތައް ހިމެނޭ ސަރަޙައްދުތަކާއި ޕާކްތަކަށް ނުވަތަ މައިޒާންތަކަށް ޒިޔާރަތްކޮށް އާއްމުންނާއި ބައްދަލު ކުރުން ހިމެނޭ ކަމަށެވެ.

ގެއްލިފައިވާ މީހުންގެ ޢަދަދު 4000 އަށްވުރެ މައްޗަށް އަރައިގެން ހިނގައްޖެ ކަމަށް ގެއްލިފައިވާ މީހުން ހޯދުމަށް މަސައްކަތް ކުރާ ގްރޫޕްތަކާއި ނޭޕާލުގެ ޑިޒާސްޓަރ މެނޭޖްމަންޓް އިދާރާ އާއި ހަވާލާދީ ނޭޕާލުގެ މީޑިއާއިން ހާމަކޮށްފިއެވެ. މީގެ ތެރޭގައި އެހެން ޤައުމުތަކަށް ނިސްބަތްވާ ގާތްގަނޑަކަށް 600 އެއްހާ މީހުން އުޅޭ ކަމަށްވެސް ވަނީ ހާމަކޮށްފައެވެ.