މަސްތުވާ ތަކެތީގެ މައްސަލަ ތަކުގައި މިދިޔަ ހަފްތާ 28 މީހަކު ވަނީ ބަނދުކޮށްފައި
މިދިޔަ ހަފްތާ ދިވެހި ފުލުހުންގެ ޚިދުމަތުން މަސްތުވާތަކެއްޗާއި ދެކޮޅަށް ހިންގި އޮޕްރޭޝަން ތަކުގައި މާލެ އާއި 6 ރަށަކުން 28 މީހަކު ވަނީ ބަނދުކޮށްފައެވެ.
މަސްތުވާ ތަކެއްޗާއި ގުޅިގެން ފުލުހުން މިދިޔަ ހަފްތާގައި ހިންގި އޮޕަރޭޝަން ތަކުގައި މާލެ ސަރަހައްދުން 15 މީހަކާއި، ގއ. މާމެންދޫން 3 މީހަކާއި، ރ މަޑުއްވަރީން 2 މީހަކާއި، ކުރެންދޫން މީހަކާއި، ކާށިދޫން 5 މީހަކާއި، ސ. ހުޅުދޫން މީހަކާއި، އަދި އިހަވަންދޫން މީހަކު ވަނީ ބަންދުކޮށްފައެވެ. މީގެ ތެރޭގައި ދިވެހިންނާއި ބޭރު ޤައުމުތަކަށް ނިސްބަތްވާ މީހުން ހިމެނެއެވެ.
ފުލުހުން ހިންގި މި އޮޕްރޭޝަން ތަކުގައި 19 ކިލޯ 565 ގްރާމަށްވުރެ ގިނަ މަސްތުވާތަކެތި ހޯދާފައިވާ ކަމަށް ފުލުހުން ވަނީ ހާމަކޮށްފައެވެ. ނަމަވެސް މަސްތުވާ ތަކެއްޗާއި ގުޅިގެން މާލޭގެ ގެސްޓްހައުސްއެއް ބަލާފާސްކޮށް 9 ބަނގްލަދޭޝް މީހުން ހައްޔަރު ކޮށްފައިވާއިރު އެމީހުން އަތުން އަތުލައި ގަނެވުނީ ކިހާ ޢަދަދެއްގެ މަސްތުވާތަކެތި ކަމެއް ފުލުހުން ހާމަކޮށްފައެވެ ނުވެއެވެ.
ފުލުހުން ހާމަކޮށްފައިވާ މައުލޫމާތު ތަކުން ފެންނަ ގޮތުގައި މިދިޔަ ހަފްތާގައި މަސްތުވާ ތަކެއްޗާއި ދެކޮޅަށް ހިންގި އޮޕަރޭޝަން ތަކުގައި ގއ. މާމެންދޫން 17.7 ކިލޯގެ ބަރުދަނަށްވުރެ ގިނަ މަސްތުވާތަކެތި އަދި މާލެއިން 1.7 ކިލޯއަށްވުރެ ގިނަ މަސްތުވާތަކެތި ހޯދާފައެވެ.
