މާލޭގެ ގެއްއެއްގައި ގޭސް ލީކުވުމުގެ ހާދިސާއެއްގައި މީހަކު ނިޔާވެއްޖެ.

މާލޭގެ ގެއްއެއްގައި ގޭސް ލީކުވުމުގެ ހާދިސާއެއްގައި މީހަކު ނިޔާވެއްޖެއެވެ. މޯލްޑިވްސް ޕޮލިސް ސަރވިސް އިން މައުލޫމާތު ދެއްވާ ގޮތުގައި ގޭސް ލީކުވުމުގެ ސަބަބުން ނިޔާވެފައި ވަނީ މ. ދިލްކުޝާ ގޯޅީގައި ހުންނަ ގެއަކުން ކަމަށެވެ.

ޕޮލިހުން މައުލޫމާތު ދެއްވާ ގޮތުގައި މިހާދިސާގެ ރިޕޯޓް އެ ސަރވިސްއަށް ލިބުނީ ހެދުނުގެ 10:34 ހާއިރު ކަމަށެވެ. އަދި ހާލު ދެރަވެގެން ހޮސްޕިޓަލަސް ދެމީހުން ގެންގޮސްފައިވާ ކަމަށާއި ދެ މީހުންގެ ތެރެއިން 51 އަހަރުގެ ޒާހިދާ ތައުފީޤް (ދަފްތަރު ނަންބަރު ރސ. 6210/ މާލެ،) ނިޔާވެފައިވާ ކަމަށް ހޮސްޕިޓަލާއި ހަވާލާދީ ފުލުހުން މައުލުމާތު ދެއްވިއެވެ. އަދި 19 އަހަރުގެ އަންހެނަކަށް ހާލު ދެރަވެގެން ފަރުވާ ދެމުންދާ ކަމަށެވެ.

މި ހާދިސާ ފުލުހުން ދަނީ ތަޙްޤީޤް ކުރަމުންނެވެ.