ހާސްވެ، ކަންބޮޑުވަނީތޯ؟ އެންމެ 15 ސިކުންތުން "އެންޒައިޓީ" ފިލުވާލެވޭނެ އާދާޔާޚިލާފު ގުދުރަތީ ސައިންސްގެ ހައްލު!
ދިރިއުޅުމުގެ އެކި ކަންކަމާ ހެދި ކުއްލިއަކަށް ހާސްވެ، ހިތުގެ ތެޅުން އަވަސްވެ، ނުވަތަ ބޯހާސްވާ ގޮތްވުމަކީ އަޅުގަނޑުމެންގެ ތެރެއިން ގިނަ ބަޔަކަށް ތަޖުރިބާކުރަންޖެހޭ ކަމެކެވެ. މިފަދަ ވަގުތުތަކުގައި ހިތްހަމަޖައްސާލަން ފުންކޮށް ނޭވާލާން މަސައްކަތްކުރި ނަމަވެސް، އެކަން އަވަހަށް ކާމިޔާބުނުވެގެން އުޅޭތަން އާންމުކޮށް ފެނެއެވެ. ނަމަވެސް، ސައިންސްވެރިން މިވަނީ އެންމެ 15 ސިކުންތު ތެރޭގައި ހަށިގަނޑު ހަމައަކަށް އަޅުވާލެވޭނެ ވަރަށް އާދައިގެ، އަދި އެހެންނަމަވެސް ވަރަށް ބާރުގަދަ "ނެޗުރަލް ހެކެއް" ހޯދައިދީފައެވެ!
ކްލިނިކަލް ދިރާސާތަކުން ދައްކާ ގޮތުގައި، ގަނޑުފެން އަޅާފައިވާ ތަށިއަކަށް މޫނު ކޮއްޕާލައިގެން 15 އާއި 30 ސިކުންތާ ދެމެދުގެ ވަގުތުކޮޅަކަށް އިނުމަކީ، ހަށިގަނޑުގައިވާ އެންޒައިޓީއާއި ސްޓްރެސް ކުއްލިއަކަށް ކޮންޓްރޯލްކޮށްދޭ ކަމެކެވެ.
މިއީ ކިހިނެއް ހިނގާ ކަމެއް؟ (ސައިންސްގެ އަސްލު)
އިންސާނާގެ ހަށިގަނޑުގައި "މެމޭލިއަން ޑައިވް ރިފްލެކްސް" (Mammalian Dive Reflex) ކިޔާ ގުދުރަތީ ރައްކާތެރިކަމުގެ ނިޒާމެއްވެއެވެ. މިއީ ފިނިފެނުގެ ތެރެއަށް މޫނު ނިވާވުމުން ހަށިގަނޑުން އަމިއްލައަށް އުފައްދާ ރިއެކްޝަނެކެވެ.
ހިތުގެ ތެޅުން މަޑުކޮށްދިނުން: ފިނިފެނުގެ އަސަރު މޫނަށް ކުރުމާއެކު، ސިކުނޑިން ވަގުތުން ހިތުގެ ތެޅުން މަޑުކޮށްލުމަށް ސިގުނަލް ފޮނުވައެވެ.
ސްޓްރެސް ހޯމޯން ދަށްކުރުން: މޫނުގައިވާ ނާރުތަކަށް (Vagus Nerve) ލިބޭ ފިނިކަމުގެ ސަބަބުން، ހަށިގަނޑުން ސްޓްރެސް އުފައްދާ ހޯމޯން ކަމަށްވާ "ކޯޓިސޯލް" (Cortisol) ގެ މިންވަރު ސިކުންތުކޮޅެއްގެ ތެރޭގައި ތިރިކޮށްދެއެވެ.
މިކަން ގޭގައި ކުރާނީ ކިހިނެއް؟
1 ވަނަ ފިޔަވަޅު: ބޮޑު ތަށްޓަކަށް ފިނިފެން އަދި މަދު ގަނޑުފެންކޮޅެއް އަޅާށެވެ.
2 ވަނަ ފިޔަވަޅު: ފުންކޮށް ނޭވާއެއް އެތެރެއަށް ލުމަށްފަހު، މޫނު އެ ފެންގަނޑުގެ ތެރެއަށް ކޮއްޕާލައިގެން 15-30 ސިކުންތު އިނދެލާށެވެ.
3 ވަނަ ފިޔަވަޅު: މޫނު ނެގުމަށްފަހު ފޮތިކޮޅަފޮާހާލާށެވެ. އަދި ހަށިގަނޑަށް އަންނަ ބަދަލު އިހުސާސްކޮށްލާށެވެ!
މިއީ ކާކަށް މުހިންމު ކަމެއް؟
އޮފީހުގައި، ކިޔަވަން އުޅޭއިރު، ނުވަތަ އާންމު ދިރިއުޅުމުގައި ކުއްލިއަކަށް ބޮޑަށް ހާސްވާ ވަގުތުތަކުގައި މިއީ އެއްވެސް ބޭހަކާ ނުލައި، މުޅިން ހިލޭ، އަދި ވަގުތުން ނަތީޖާ ފެންނަ އެންމެ ފަސޭހަ ހައްލެވެ.
ދެން ފަހަރަކުން ކަމަކާ ބޮޑަށް ހާސްވެ، ސިކުނޑި ތަންނުދޭ ހާލަތަކަށް ގޮސްފިނަމަ، މި ކުޑަކުޑަ އުކުޅު ބޭނުންކޮށްލާށެވެ!
