ގައުމީ ސްޓެޓިސްޓިކްސްގެ ދުވަސް!
ތަފާސްހިސާބު އަކީ ހަމައެކަނި ފޮތްތަކުގައިވާ ހިސާބު ނަންބަރުތަކެއް ނޫނެވެ. އިޤްތިޞާދީ ކުރިއެރުމާއި، އަދި އަޅުގަނޑުމެންގެ ދިރިއުޅުމުގެ ކޮންމެ ނިންމުމެއްގެ ފަހަތުގައިވާ އެންމެ މުހިންމު ނުފެންނަ ބާރެވެ. ޤައުމީ ތަފާސްހިސާބު ދުވަސް ފާހަގަކުރުމުގެ މައިގަނޑު މަޤްޞަދަކީ ސައްޙަ، އިތުބާރުހުރި މައުލޫމާތު އެއްކުރުމުގެ މުހިންމުކަމާމެދު އާންމުން ހޭލުންތެރިކުރުވުމެވެ.
ތަފާސްހިސާބަކީ އަޅުގަނޑުމެންގެ ދިރިއުޅުމާ ކިހިނެއް ގުޅޭ އެއްޗެއް؟ ގައުމެއްގައި ތަފާސްހިސާބު އެއްކުރެވެނީ ހަމައެކަނި ސަރުކާރުގެ ބޭނުމަކަށް ނޫނެވެ. އަލަށް އަޅަންޖެހޭ ހޮސްޕިޓަލްތަކާއި، ސުކޫލުތަކުގެ އަދަދު ނިންމަނީ އާބާދީގެ ތަފާސްހިސާބަށް ބަލައިގެންނެވެ. ބާޒާރުގައި ތަކެތީގެ އަގުއުފުލޭ މިންވަރު މިންކޮށް، އިޤްތިޞާދީ ސިޔާސަތުތައް ބައްޓަންކުރަނީ މި ހިސާބުތަކުންނެވެ.
މޯލްޑިވްސް ބިޔުރޯ އޮފް ސްޓެޓިސްޓިކްސް، ރާއްޖޭގައި ތަފާސްހިސާބު އެއްކޮށް، އާންމުކޮށް، ދިރާސާކުރުމުގެ މައިގަނޑު މަސްއޫލިއްޔަތު އަދާކުރަނީ މޯލްޑިވްސް ބިޔުރޯ އޮފް ސްޓެޓިސްޓިކްސް އިން ހިންގާ ބޯހިމެނުން ފަދަ ބޮޑެތި ޤައުމީ ހަރަކާތްތަކުން ލިބޭ މަޢުލޫމާތަކީ ކުރިއަށް އޮތް އަހަރުގެ ޤައުމީ ތަރައްޤީގެ ބިންގަލެވެ.
ސައްޙަ ތަފާސްހިސާބުގެ މުހިންމުކަން: "މައުލޫމާތު ނުބައިނަމަ، ނިންމުން ނުބައިވާނެއެވެ. ނުބައި ނުވަތަ ފޭކު މަޢުލޫމާތުގެ މައްޗަށް ބިނާކޮށް ނިންމާ ނިންމުންތަކުން މުޅި މުޖުތަމަޢަށް ބޮޑެތި ގެއްލުންތަކާ ކުރިމަތިވެއެވެ. ސާވޭތަކާއި ބޯހިމެނުމުގައި އާންމުން ސައްޙަ މަޢުލޫމާތު ދިނުން މުހިންމެވެ. ސޯޝަލް މީޑިއާގައި ދައުރުވާ ސައްޙަނޫން 'ހިސާބުތަކަށް' ނުބަލައި، ރަސްމީ އިދާރާތަކުގެ މަޢުލޫމާތަށް އިތުބާރުކުރުން މުހިންމެވެ.
