އެބޯލާ ރޯގާ ކެންޔާއަށް ފެތުރި، ކޭސްތައް އިތުރުވާން ފަށައިފި!
ޑިމޮކްރެޓިކް ރިޕަބްލިކް އޮފް ކޮންގޯ (ޑީއާރުސީ) ގައި ހިންދަމާނުލެވި ފެތުރެމުންދާ އެބޯލާ ރޯގާގެ އަސަރު އެފްރިކާގެ އެހެން ގައުމުތަކަށް ފޯރަން ފަށައިފިއެވެ. ސިއްހީ އިދާރާތަކުން ހާމަކުރާ ގޮތުގައި، ކޮންގޯއިން ކެންޔާއަށް ދަތުރުކުރި މީހެއްގެ ފަރާތުން އެ ގައުމުގައި އެބޯލާ ބަލި ފެތުރެން ވަނީ ފަށާފައެވެ.
ކެންޔާގެ ހެލްތު މިނިސްޓްރީން މަޢުލޫމާތު ދޭ ގޮތުގައި، މި ބަލި އެންމެ ފުރަތަމަ ފެނުނީ ކޮންގޯގައި ދިރިއުޅުމަށްފަހު ކެންޔާއަށް އެނބުރި އައި މީހެއްގެ މެދުުންނެވެ. އެ މީހާ ވަނީ ބަލީގައި މަރުވެފައެވެ. އޭގެ ފަހުން، އެ މީހާއާ އެކު އުޅުނު އާއިލާގެ މީހުންނާއި އޭނާއަށް ފަރުވާ ދިން ސިއްހީ އެހީތެރިންގެ މެދުގައި ބަލި ފެތުރެމުންދާތީ އެ މީހުން ވަނީ ކަރަންޓީނުކޮށްފައެވެ.
ދުނިޔޭގެ ސިއްހަތު ޖަމިއްޔާ (WHO) އާއި ވިލާތުގެ ސިއްހީ އިދާރާތަކުން ބުނާ ގޮތުގައި، މިފަހަރު ފެތުރެނީ އެބޯލާގެ "ބަންޑިބުގްޔޯ" (Bundibugyo) ވައިރަސްގެ ބާވަތެކެވެ. ކޮންގޯގައި އެކަނިވެސް މިހާތަނަށް 9،000 އަށްވުރެ ގިނަ މީހުންނަށް މި ބަލި ޖެހި، 4،400 އަށްވުރެ ގިނަ މީހުން ވަނީ މަރުވެފައެވެ.
ކެންޔާގެ ކަމާބެހޭ ފަރާތްތަކުން މަސައްކަތް ކުރަމުން ދަނީ ބަލިޖެހުނު މީހުންނާ ބައްދަލުވި އެންމެން ހޯދައި، އާންމުންގެ މެދުގައި ބަލި އިތުރަށް ފެތުރުނަނުދީ ކޮންޓްރޯލް ކުރުމަށެވެ. ނަމަވެސް، މުޅި ސަރަހައްދުގައި ބަލި ފެތުރުމުގެ ނުރައްކާ ބޮޑުވަމުންދާތީ އަވައްޓެރި ގައުމުތަކުން ވަނީ ފާރަވެރިކަން ވަރުގަދަކޮށްފައެވެ.
