ބޭރުގެ ކުންފުނިތަކުން ނަގާ ޓެކްސް ބޮޑު ކުރުމަށް މަސީން ތާއީދު ކޮށްފި.

ރާއްޖޭގައި އެކިއެކި މަސައްކަތްކުރާ ބޭރު ކޮންޓްރެކްޓަރުން އަތުން ނަގާ ޓެކްސް %5 ން %10އަށް ބޮޑު ކުރުމަކީ ތާއީދު ކުރާ ކަމެއް ކަމަށާއި އެއީ ހެޔޮ ބަދަލެއް ކަމަށް މޯލްޑިވްސް ނެޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) ބުނެފިއެވެ. 

މަސީން މިކަމަށް ތައީދުކޮށް އެކްސްގައި ކޮށްފައިވާ ޕޯސްޓެއްގައި ވަނީ މިބަދަލަކީ ކޮންސްޓްރަކްޝަން އިންޑަސްޓްރީގެ ހަމަހަމަކަން ޤާއިމް ކުރުމަށް ގެނެވޭ ހެޔޮ ބަދަލެއް ކަމަށާއި އެކަމަށް އެޖަމުއްޔާއިން މަރުޙަބާކިޔާ ތާޢީދު ކުރާކަމަށެވެ.  

މީރާ އާއި ހަވާލާދީ ސަރުކާރުން ހާމަކުރާ ގޮތުގައި މިބަދަލުގެ ސަބަބުން ދައުލަތުގެ އާމްދަނީއަށް 251 މިލިއަން ރުފިޔާގެ ކުރިއެރުމެއް އަންނާނެ ކަމަށެވެ.