ޝަހީމް

އިސްލާމީ އައު ޤަރުނަކާ ބައްދަލުވާހިނދު ދީނާ ޤައުމިއްޔަތު ދިރުވައި ނަގަހައްޓަން ޒުވާނުންގެ ދައުރު ފުޅާކުރުމަކީ ބޭނުންތެރި ކަމެއްކަމުގައިވާތީ މިރޮނގުން ހިތްވަރު ދިނުމަށް ސަރުކާރުން އެންމެ މަތީ ލެވެލްގައި ދެމިތިބޭނެކަން ޒުވާން ޖީލަށް ކަށަވަރުކޮށްދިނުމަކީ މި މަހާސިންތާގެ މުހިއްމު މަޤުސަދެކެވެ. އަދި ޒުވާން ޚަޠީބުން މަޝްރޫއުގެ ބައިވެރިން އެއްތަންވެ، ތަޖުރިބާ އާއި ހުނަރު ބަދަލުކޮށް، ގުޅުން ބަދަހިކުރުމަށާއި، މުޖުތަމަޢުއަށް ޚިދުމަތްކުރުމުގައި މި މަޝްރޫއުގެ މުސްތަޤުބަލާމެދު މަޝްވަރާކުރާނެ ޤައުމީ މަންސައެއް ބޭއްވުމަކީ މި މަހާސިންތާގެ މަޤުސަދެކެވެ.

ބިން ހަވާލުކުރުމުގެ އެއްބަސްވުމުގައި ސޮއިކުރެއްވީ އިސްލާމީ ކަންތައްތަކާއި އައުޤާފާބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދުއެވެ. އަދި އައްރާޖިޙީ ކުންފުނިން ސޮއިކުރެއްވީ އެ ކުންފުނީގެ ޗީފް އެގްޒެކްޓިވް އޮފިސަރ ބަންދަރު ޢަބްދުﷲ އައްރާޖިޙީއެވެ.