Flydubai Flight

އޫއޭއީގެ ދުބައިއިން ފުރައިގެން އިސްރާއީލުގެ ތެލް އަވީވަށް ދަތުރުކުރި ފްލައިދިބާއީގެ ފްލައިޓް FZ1073 ގެ ކޮކްޕިޓް ތެރޭގައި ހިންގި ނުރައްކާތެރި ހާދިސާއެއްގައި، ކޯ-ޕައިލަޓް ވަނީ ކެޕްޓަނަށް ތޫނު އެއްޗަކުން ހަމަލާދީ ބޯޓު ވައްޓާލަން މަސައްކަތްކޮށްފައެވެ. ނަމަވެސް ބޯޓުގައި ތިބި ފުރާނަސަލާމަތްކުރި "ބަޠަލުން" ގެ އެހީތެރިކަމާއެކު ބޮޑު ކާރިސާއަކުން ސަލާމަތްވެފައިވާ ކަމަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ ވިދާޅުވެފައެވެ.

ކޮކްޕިޓް ތެރޭގައި ބޮޑު ހަމަނުޖެހުމެއް ހިނގާ، ހަޅޭއްލަވާ އަޑު އިވުނުކަމަށް ފަސިންޖަރުން ބުނެފައިވެއެވެ. ބައެއް ފަސިންޖަރުންނަށް ލޭ ފެނިފައިވާކަމަށް ރިޕޯޓުކޮށްފައިވާއިރު، މި ހާދިސާގެ ތެރޭގައި އެއް ޕައިލެޓަކަށް އަނިޔާވެފައިވާކަމަށްވެސް އެފަރާތްތަކުން ބުނެފައިވެއެވެ. މިއީ ފަސިންޖަރުންނާއި މީޑިއާތަކުން ހާމަކުރަމުންދާ މަޢުލޫމާތުތަކަކަށް ވާއިރު، މިއީ އަދި ތަޙުޤީޤުކުރެވެމުންދާ ކަންކަމެވެ.